ПАДНА ЛИЦЕ БАРАНО ОД ТУРЦИЈА Уапсен 26-годишен Турчин во Визбегово
Во координирана акција на полицијата и обвинителството во Скопје е приведен 26-годишен турски државјанин баран со меѓународна потерница.
26-годишен турски државјанин е лишен од слобода во скопско Визбегово, откако бил баран со меѓународна потерница распишана од Турција.
Полициските службеници од Секторот за меѓународна полициска соработка – Отсек за меѓународни потраги, во координација со Основното јавно обвинителство Скопје, го привеле лицето во попладневните часови на 29 април.
Можеби ќе ве интересира
По приведувањето, тој бил спроведен пред обвинител, а потоа и пред Основниот кривичен суд во Скопје.
Судот му одредил екстрадициски притвор, по што лицето е спроведено во затворот во Скопје, каде ќе остане до завршување на постапката за екстрадиција.