ЈОВАН Е ХЕРОЈ, СПАСИ 21 ЖИВОТ, ИСТАКНА ПРЕТСЕДАТЕЛКАТА Сиљановска Давкова ги посети повредените на Токсикологија
Директорот на Клиниката, Андон Чибишев, ја сподели оваа важна информација на социјалните мрежи, истакнувајќи дека посета на претседателката не е само знак на грижа за здравјето на граѓаните, туку и признание за херојската посветеност на медицинскиот персонал.
Претседателката на Република Македонија, Гордана Сиљановска-Давкова, со искрена човечка грижа ги посети седумте пациенти хоспитализирани на Клиниката за токсикологија, кои беа повредени во трагичниот настан во Кочани. Претседателката беше информирана за нивната подобрена здравствена состојба ѝ изрази надеж за нивно брзо оздравување.
Директорот на Клиниката, Андон Чибишев, ја сподели оваа важна информација на социјалните мрежи, истакнувајќи дека посета на претседателката не е само знак на грижа за здравјето на граѓаните, туку и признание за херојската посветеност на медицинскиот персонал.
Во рамките на посетата, Претседателката посебно го истакна младото момче Јован, кој со својата храброст успеа да спаси 21 живот од огнената стихија.
– Јован е вистински херој. Неговата храброст и пожртвуваност се пример за сите нас – изјави претседателката, нагласувајќи го значењето на неговото дејствување.
Чибишев, исто така, напиша на Фејсбук дека оваа посета е не само признание за работата на здравствените работници, туку и охрабрување за младите луѓе кои со своите херојски дела го обогатуваат општеството.