НЕ СМЕ ПОРАСНАЛЕ НА ШПАРГЛИ, АМА МОЖЕ ДА ГИ ПОРАСНЕМЕ НОВИТЕ ГЕНЕРАЦИИ Еве зошто треба да го вклучите овој зеленчук во вашето редовно мени

Шпарглата е многу стара лековита билка, но кај нас не е многу позната. Најчесто се користи како исклучително благороден зеленчук, па иако е факт дека ние не сме пораснале на шпаргли, туку на пиперки и домати, не значи дека треба од овој здрав зеленчук да ги лишиме нашите деца и внуци.

Особено ако се земе предвид дека таа одлично вирее и кај нас. Ја нема многу па затоа е сѐ уште скап зеленчук, но никој не ви брани да си го одгледате и сами.

Потоа, треба само да се одлучите дали ќе си направите крем супа од шпаргли или ќе ги послужите во комбинација со рижото или пак само малку ќе ги пропржите на маслиново со лукче и секое јадење ќе го претворите во деликатес.

Ја нарекуваат кралица на пролетниот зеленчук, а еве ги сите нејзини здравствени придобивки и хранливи вредности.

Кои вредни состојки ни ги обезбедува шпарглата?

Шпарглата е исклучително здрав зеленчук. Се состои од 93% вода, околу 2% протеини, околу 4% јаглехидрати и само 0,2% масти и има само 18 калории на 100 г.

Сепак, најмногу ја цениме поради количината на вредни витамини и минерали што ги содржи.

Повеќе за ова прочитајте на „Арт кујна“.