НЕ МОЖЕЛ ВЕЌЕ ДА ЖИВЕЕ ВО МАКЕДОНИЈА Истепаниот Кадриески сака да се пресели во Бугарија
Добив закани дека ќе ме убијат. Ова е нормално овде. А вчера додека ме тепаше ми рече: „Ако одиш во полиција ќе те убијам! Знаеш, ќе ти го убијам и семејството“, раскажал Бекир Кадриески, претседател на Здружението на Бугарите во Македонија наречено „Шемето“.
Бекир Кадриески, нападнатиот копретседател на Здружението на Бугарите во Македонија наречено „Шемето”, за бугарскиот портал НОВА изјавил дека по нападот не може да живее во Македонија и дека ќе се пресели во Бугарија.
– Добив закани дека ќе ме убијат. Ова е нормално овде. А вчера додека ме тепаше ми рече: „Ако одиш во полиција ќе те убијам! Знаеш, ќе ти го убијам и семејството“, вели Кадриески.
Кадриески нема бугарски пасош, но вели дека се чувствува како Бугарин.
МНР на Република Македонија со став апелира да не се даваат квалификации. И ги повикува општеството и политичарите во Бугарија да чекаат на расветлување на случајот.
Од бугарското МНР пак, не одговориле дали и овој „Бугарин” ќе има ист третман како охриѓанецот Кристијан Пендиков кој доби бугарско државјанство, стан, обезбедување и се запиша на факултет во Бугарија.