📽️ НАЈМАЛКУ 5 ЖРТВИ ВО ПУКАЊЕ БЛИЗУ ХАМБУРГ Oсомничениот е уапсен, хеликоптери кружат над Штаде
Најмалку петмина загинаа во пукање во германскиот град Штаде, во покраината Долна Саксонија. Полицијата приведе осомничен, а голема безбедносна операција е во тек во близина на младински центар во центарот на градот.
Најмалку пет лица се убиени во пукање што денеска го потресе германскиот град Штаде, на околу 50 километри од Хамбург.
Полицијата потврди дека е уапсен осомничен, додека безбедносните служби и натаму спроведуваат голема операција на местото на настанот.
Над градот кружат и два полициски хеликоптери.
Пукањето се случило во близина на младински центар
Според првичните информации, истрелите биле испукани во областа Данкерсштрасе.
Местото на нападот се наоѓа во непосредна близина на младински центар, а недалеку е и полициската станица во Штаде.
Засега не е познато дали меѓу жртвите има деца или млади лица.
🇩🇪 Five people have been killed in a shooting in Stade, northern Germany.
Police have arrested two people, including one suspected of carrying out the attack.
Follow: @europa pic.twitter.com/Xh28Xx7vMN
— Europa.com (@europa) June 29, 2026
Полицијата повика граѓаните да не се приближуваат
Властите ја опишаа ситуацијата како динамична и ги повикаа жителите да ја избегнуваат областа додека трае акцијата.
„Ве молиме избегнувајте ја областа“, соопшти Полициската управа Линебург преку социјалните мрежи.
Мотивот сè уште е непознат
Германските истражители засега не соопштуваат детали за можниот мотив на нападот.
Позадината на крвавиот инцидент останува нејасна, а истрагата е во тек. Штаде е град со околу 50.000 жители и се наоѓа западно од Хамбург, во северниот дел на Германија.