📽️ НАЈМАЛКУ 4 ЗАГИНАТИ И 20 ПОВРЕДЕНИ Ново пукање во училиште во Турицја

Најмалку четири лица се убиени, а 20 се повредени во пукотница во училиште во турскиот град Кахраманмараш.

Гувернерот на Кахраманмараш, Мукерем Унлуер, изјави дека напаѓачот бил ученик од осмо одделение.

– Напаѓачот е осмоодделенец. Неговиот татко е поранешен полицаец. Се верува дека го зел пиштолот на својот татко. Ги нападнал со огнено оружје. Еден наставник и тројца ученици се убиени. 20 лица се повредени. Нападот е во тек. Трагичен инцидент се случил во едно од нашите училишта. Добивме информации дека има повредени. Детално го истражуваме случајот – рече гувернерот.

Унлуер рече дека ученикот го скрил пиштолот на својот татко во ранецот пред да го започне нападот, објави Ројтерс.

Тој додава дека напаѓачот влегол во две училници и во тој хаос се самоубил.

Министерот за национално образование, Јусуф Текин, отпатувал во Кахраманмараш по инцидентот во училиштето во регионот.

 

Gunman opens fire at school in Turkey’s Kahramanmaras — fatalities reported

This is the second school shooting in Turkey within two days

Yesterday, a student attacked a high school, wounding 17 people pic.twitter.com/i6WuCAne66

— MOSCOW NEWS 🇷🇺 (@MOSCOW_EN) April 15, 2026

На видеото јасно се гледаат истрели и вресоци на исплашени луѓе кои во паника бегаат од училишната зграда. Ученици и наставници трчаат надвор.

На социјалните мрежи кружат видеа на кои се гледа како персоналот на итната медицинска помош ги лекува повредените.

 

🇹🇷 A mass shooting just took place at a high school in southeastern Turkey, leaving at least 7 people wounded.pic.twitter.com/0aeNZHOpSv

— Mario Nawfal (@MarioNawfal) April 14, 2026

Второ пукање во Турција за два дена

Ова се случува само еден ден откако поранешен ученик (19) упадна во училиште во турскиот округ Сиверек и рани 16 лица, пред да изврши самоубиство додека се обидуваше да биде уапсен.

Пукањата во училиштата се многу ретки во Турција.