МУ ПОВЕРУВАЛЕ ДЕКА „ПОРКИ СЕ КРЕВА“ НА АЛЈАСКА Ова е најлудата првоаприлска шега во историјата
Идејата за вулканската шега на воениот ветеран Порки му дошла во 1971 година и претходните години ги поминал собирајќи гуми. Конечно, во 1974 година, условите биле оптимални и тој ѝ рекол на својата сопруга дека ќе ја изведе шегата. Tоа што таа му одговорила останало добро запаметено.
Први април е ден на шегата, а некои првоаприлски измами се добро документирани во историјата. Во 1974 година, воен ветеран успеал да ги „насамари“ жителите на градот Ситка на островот Крузоф во Југоисточна Алјаска.
На 1 април таа година се издигнал чад од вулканот Маунт Еџкумб на островот. Вулканот, кој се наоѓа на само 16 километри од градот, бил познат како неактивен и последен пат еруптирал пред 4.000 години.
Но, на 1 парил 1974 година телефоните непрекинато ѕвонеле во полицијата и радио станиците. Крајбрежната стража испратила хеликоптер за истрага. Кога пристигнал пилотот, наместо лава што гори, видел куп запалени гуми и порака испишана со спреј.
Архитект на оваа шега бил Оливер „Порки“ Бикар (1923-2003), ветеран од Втората светска војна кој ја преживеал познатата операција Нормандија. Бикар, кој тогаш имал 50 години, живеел во Ситка 15 години. Тој се занимавал со опрема за сеча на дрва.
Идејата за вулканската шега му дошла во 1971 година и претходните години ги поминал собирајќи гуми. Конечно, во 1974 година, условите биле оптимални и тој ѝ рекол на својата сопруга:
– Морам да одам да го направам тоа денес.
Tоа што таа му одговорила останало добро запаметено:
– Само немој да направиш магаре од себеси.
Бикар и група пријатели ги врзале гумите на две јажиња долги 150 стапки. Полетале со хеликоптер изнајмен од Петербург, натоварен со една од прангите, димни бомби, дизел масло, партали и други потребштини. Додека хеликоптерот се враќал по втората пратка гуми, Бикар ја напишал првоаприлската порака со букви големи 50 метри.
Кога се вратиле во Ситка, чадот веќе бил видлив. Контролорот на летање им рекол:
– Копилето изгледа фантастично.
Бикар ги известил Федералната служба за авијација, противпожарната служба и полицијата за шегата. Сепак, тој заборавил да ја извести крајбрежната стража. Тоа значи дека крајбрежната стража не знаела за шегата додека ја вршела истрагата.
Инцидентот брзо стана национална вест и останува константна во списоците на врвни шеги. Кога сфатиле дека се работи за шега, жителите на градот биле изненадени. Адмиралот задолжен за крајбрежната стража на Алјаска подоцна му рекол на Бикар дека шегата е брилијантна.
Дури, летот на Алјаска ерлајнс кој тргнал од Ситка бил пренасочен за патниците да ја видат лажната ерупција. Луѓето биле вчудоневидени.
Бидејќи бил таков каков што бил, Бикар подоцна дизајнирал комеморативна јакна со облак чад означен како Порки кој се издига од вулканот Еџкумб.