МУ ГО ПРЕДАЛ „ГОЛФОТ“, НО ПАРИТЕ НЕ ГИ ДОБИЛ Тетовец измамен за 6.000 евра при продажба на автомобил
49-годишен тетовец пријавил дека по склучен писмен договор за продажба на „фолксваген голф“, не ја добил договорената сума, а возилото не му било вратено во предвидениот рок.
49-годишен жител на Тетово пријавил дека бил измамен за 6.000 евра при договорена продажба на патничко возило „фолксваген голф“.
Како што информира Министерството за внатрешни работи, случајот бил пријавен на 1 ноември 2026 година во СВР Тетово. Според пријавеното, тој на 18 септември склучил писмен договор за купопродажба на возилото со М.О. (41) од тетовското село Милетино.
Можеби ќе ве интересира
Но, купувачот, според пријавата, не ја исплатил договорената сума од 6.000 евра, ниту, пак, го вратил возилото во предвидениот рок.
Од МВР соопштија дека се преземаат мерки за целосно расчистување и документирање на случајот.