📽️ МОСТОТ МЕЃУ ХРВАТСКА И БиХ СТАНА БЕЗБЕДНОСЕН РИЗИК Попушти оградата, пешаци беа блокирани рано наутро
Дел од мостот на стариот граничен премин Градишка меѓу Хрватска и БиХ се урнал рано утрово, по што целосно е запрен сообраќајот за возила и пешаци. Надлежните институции најавија дополнителни проверки и проценка на оштетувањата.
Дел од мостот на граничниот премин Градишка меѓу Хрватска и Босна и Херцеговина се урнал рано утрово околу 3 часот.
Според босански „Кликс“, попуштил дел од оградата на мостот на стариот граничен премин, по што движењето на возила и пешаци било целосно запрено.
„Кликс“ објави дека структурата на оградата попуштила под засега непознати околности.
„Создаден е огромен безбедносен ризик“, наведува медиумот.
Поради големата фреквенција на товарен и патнички сообраќај на преминот, се очекуваат дополнителни метежи и застои.
Сообраќајот е целосно запрен
По инцидентот, преминот бил затворен и за автомобили и за пешаци.
Хрватските власти соопштија дека чекаат официјални информации од институциите во Босна и Херцеговина за обемот на оштетувањата и можноста мостот повторно да биде пуштен во употреба.
Возачите предупредени на застои
„Хрватски патишта“ најавија дека јавноста дополнително ќе биде информирана за сите промени во режимот на сообраќај.
Од таму побараа разбирање од возачите поради можните долги задржувања и пренасочувања.