МОДРИ ПАТЛИЏАНИ КАКО ЗЕЛЕНИ ТИКВИ Приказна за една необична сорта
Овие модри патлиџани од сортата „Епл Грин“ се познати по својата зелена боја на јаболко, изглед на тиква, благ вкус и речиси целосно отсуство на горчина. Потекнуваат од стари азиски сорти и се ценети токму поради нежниот вкус
На прв поглед личат на тикви, а кога ќе ги пресечете, ќе сфатите дека се модри патлиџани. Во нашата градина годинава пораснаа необични светлозелени, речиси бели „модри“ патлиџани со тркалезна форма и големина каква што ретко се гледа кај оваа култура.
Иако многумина првпат се среќаваат со нив, бело-зелените модри патлиџани не се новина. Станува збор за стари сорти кои потекнуваат од Азија, пред сè од Индија и Тајланд, а денес се одгледуваат во различни делови од светот како посебен деликатес.
Можеби ќе ве интересира
Значи, не се обични модри патлиџани што не созреале, туку посебна сорта зелен патлиџан, најверојатно од типот Apple Green, Thai Round Green или некоја сродна стара сорта.