Мицкоски: Кога секој ден умираат луѓе непријатно е да се зборува за избори

Кога се уште броиме новозаразени и мртви од ковид-19, се чувствувам непријатно да зборувам за датум за избори, изјави денеска лидерот на ВМРО-ДПМНЕ, Христијан Мицкоски на прес-конференција.

Тој смета дека има несериозни луѓе во Владата за, како што рече, да се справат со сето ова што не зафати изминатите месеци.

– ВМРО-ДПМНЕ е подготвена за избори кога и да се случат тие. Математиките, диктатот и исполнувањето на желбите на Зоран Заев преку Оливер Спасовски се надвор од фокусот на вниманието на ВМРО-ДПМНЕ и во овој момент се чувствувам непријатно за да зборувам за било каков датум за одржување избори кога се уште броиме мртви и новоинфицирани на дневна основа – рече Мицкоски.

Тој ја повика власта престане да лицитира со  датуми за избори затоа што приоритет број еден е здравјето на граѓание и заштитата на стандардот и ништо друго.

– Мора да се носат одлуки, кои нема да бидат под имресија на тесногради интереси, туку како последица на разум и мудрост – рече  Мицкоски.