ДРАМА НА ТЕНИСКИ ТУРНИР ВО МЕМФИС Фаворитката колабираше од жештина, победничката се расплака од среќа!?

Драматични сцени го одбележаа тенискиот турнир во Мемфис, САД, каде што првата носителка Екатерина Александрова беше принудена да го предаде мечот против 16-годишната сонародничка Кристина Љутова, откако колабираше поради екстремните горештини.

Во моментот на прекинот резултатот беше 7:6, 4:6, 5:4 во корист на Љутова. Натпреварот се играше на температура од околу 34 Целзиусови степени и веќе беше во третиот час.

Александрова, која е 19. тенисерка на ВТА-листата, во текот на третиот сет беше видно исцрпена и едвај стоеше на нозе. Таа доби и опомена за одолговлекување при сервис, а само неколку моменти подоцна се сруши на теренот.

По укажаната лекарска помош, успеа да стане, но немаше сили да го продолжи мечот и официјално го предаде.

На 16-годишната Љутова ова ѝ е најголема победа во досегашната кариера и прва на ВТА-турнирите. Откако стана јасно дека Александрова нема да може да продолжи, младата Русинка не можеше да ги сокрие емоциите и се расплака од среќа.

What a disaster from the umpire to give Alexandrova a 2nd time violation after she can’t even move (lost her 1st serve and subsequent point)

Down 4-5 (15-30) she’s feeling very dizzy and has no choice but to have the physio come on court now… https://t.co/gdGEaQwffZ pic.twitter.com/sUn6Xd3WSY

— JessetheJuicer (@JesseMurphe) July 28, 2026