🎥 БИЛИ АЈДОЛ ЈА ПРИМИ НАГРАДАТА ЗА ЖИВОТНО ДЕЛО „Кога почнавме да свириме панк-рок во 1976-та, мислевме дека тоа ќе трае само 6 месеци, а не 50 години“
Рок-легендата Били Ајдол доби награда за животно дело на Американските музички награди и одржа емотивен говор со кој ги охрабри младите што сакаат да се занимаваат со музика
Седумдесетгодишната панк-рок легенда Били Ајдол ја прими наградата за животно дело на Американските музички награди во Лас Вегас.
– Им благодарам на ‘Американските музички награди’ за ова признание. Им благодарам на сите обожаватели. Успеав да го живеам својот сон и сето тоа е благодарение на вас. Кога почнавме да свирам панк-рок далечната 1976 година, мислевме дека тоа ќе трае само шест месеци, а не 50 години. Го правевме тоа од љубов и затоа што музиката беше единственото нешто што ни даваше чувство на слобода и ослободување – изјави Били Ајдол додавајќи дека верувале во тоа што го прават и мислеле дека ако само сонуваат за таков живот, тој ќе им возврати во изобилство.
– Токму тоа и се случи. На секое дете што го сака рокенролот или кој било вид музика и ако сте инспирирани да го создадете тоа чувство на слобода и да го следите тој уметнички живот, сѐ што можам да ви кажам е да изберете инструмент. Откријте кои сте и бидете тоа. Ви благодарам за рокенролот – порача тој.
@amas We ❤️ you @billyidol! Congratulations again on your Lifetime Achievement Award! The show is almost over ➡️ tune in NOW on @cbs and @paramountplus
Ајдол изведе и дел од своите најголеми хитови што беше и негов прв настап на доделувањето на Американските музички награди.
@amas It was a nice day for a… Billy Idol performance! 🪩 You don’t want to miss any more of the #AMAs magic! Stream the show NOW @paramountplus!
– Били Ајдол е рок-легенда чие влијание ги надминува генерациите и жанровите. Тој остави неизбришлива трага во популарната култура и музичката индустрија. Воодушевени сме што можеме да му ја доделиме оваа награда – порачаа организаторите на манифестацијата.