🎥(ВОЗНЕМИРУВАЧКО) НОСЕЛ ПАНЦИР, УБИЛ 6 ЛУЃЕ СО ПОЛУАВТОМАТСКА ПУШКА Пукал и во коњите на плоштадот во Краков
Напаѓаќот е 24-годишен Полјак, а според министерот за внатрешни работи, постојат индикации дека бил фасциниран од крајно десничарска идеологија и имал радикални ставови.
Напаѓачот што денеска уби 6 луѓе, а рани 15 на плоштадот во Краков е 24-годишен Полјак, соопштија полските власти.
Тој можеби бил мотивиран од крајно десничарска идеологија, изјави полскиот министер за внатрешни работи Марцин Киервински.
Според министерот, постојат индикации дека напаѓачот бил фасциниран од крајно десничарска идеологија и имал радикални ставови. Ова е една од првите информации што би можеле да помогнат во расветлувањето на мотивите за нападот.
Истражителите сè уште не утврдиле дали напаѓачот дејствувал од политички или од идеолошки мотиви. Полицијата и безбедносните служби продолжуваат да го истражуваат неговото минато, можните мотиви и околностите околу нападот.
Сликата на напаѓачот откако бил ранет во судир со полицијата кружи на социјалните мрежи.
За време на нападот, тој носел облека што личи на воена униформа и панцир и користел полуавтоматска пушка.
Полицијата пронашла дополнително огнено оружје и муниција во неговиот автомобил, според медиумите – воен ранец, парчиња воена опрема и бајонет. Тој имал дозвола за оружје, но сè уште не е утврдено дали целото оружје што го пронашол било легално во сопственост.
Полскиот министер за одбрана Владислав Косињак-Камиш претходно ги негираше гласините дека напаѓачот бил припадник на полската војска. Тој рече дека напаѓачот никогаш не служел во војската ниту имал каква било врска со неа.
Нападот се случи денеска околу 15 часот денес, кога маж со автомобил влегол на главниот плоштад во Краков и почнал да пука кон минувачите. Тој, исто така, отворил оган врз трамвај за јавен превоз додека возел низ историскиот центар на градот.
Nagranie monitoringu z momentu ataku w Krakowie. Przerażające jest to jak możesz się znaleźć w złym czasie w złym miejscu. Na nagraniu widać jak zastrzelony mężczyzna w czarnej bluzie zatrzymuje się na środku drogi czekając na znajomego który szedł za nim. Znajomy podchodzi do niego i o centymetry unika postrzelenia. Jego kolega, który na niego poczekał nie miał już takiego szczęścia …
— Pan Paragraf (@PanParagraf) November 7, 2026
Убиени се четири жени и двајца маж, а најмалку 15 луѓе се повредени, од кои една Португалка.
Полицијата го ранил и го уапси напаѓачот по меѓусебна престрелка. Тој е во болница и според медиумите е во критична состојба и му се врши хируршка интервенција.
Finał akcji w Krakowie z innej perspektywy. Najwyższe wyrazy szacunku i uznania dla tego policjanta. https://t.co/0lTrtdz1YM
— Szalony Reporter (@szalonyreporter) November 7, 2026
Двајца полицајци биле исто така повредени, од кои еден има три прострелни рани и е во критична состојба.
Тој дури пукал и во два коња кои влечеле кочии на плоштадот. Двата коња преживеаа – едниот беше изгребан од куршум, а другиот беше погоден во ногата.
Според полските медиуми, aвтомобилот што 24-годишниот напаѓач го користел за да влезе на главниот плоштад во Краков е регистриран на неговиот 52-годишен татко, кој живее во војводството Светокржи, има дозвола за огнено оружје и поседува вкупно 11 парчиња оружје.
Полициската истрага се спроведува со учество на обвинителството и полската агенција за внатрешна безбедност. И покрај изјавите на министерот за можна идеолошка позадина на нападот, официјално, мотивот сè уште не е утврден.
Во Краков е прогласена тридневна жалост.