🎥 11 ЗАГИНАТИ И 27 ПОВРЕДЕНИ ВО СУДАР ВО ТУРЦИЈА Туристички автобус се судрил со возило за помош на патиштата

Вкупно 11 лица загинаа, а 27 се повредени во тешка сообраќајна несреќа во која учествуваа туристички автобус и возило за помош на патиштата во близина на градот Маниса, во западна Турција, јави турската телевизија НТВ.

Несреќата се случила претпладнево околу 11 часот, кога туристичкиот автобус на компанијата „My World Tur“ се судрил со возилото за помош на патиштата на автопатот Гебзе–Орхангази–Измир, во близина на наплатните рампи кај градот Акхисар, во областа Маниса. Според медиумските извештаи,  од силината на ударот, автобусот се превртел, а камионот излетал од патот.

По добиената пријава, на местото на несреќата испратени се повеќе амбулантни возила, противпожарни екипи и полициски тимови, по што повредените веднаш биле пренесени во болница.

Manisa’nın Akhisar ilçesinde TIR ile yolcu otobüsünün çarpıştığı kazada:

11 KİŞİ HAYATINI KAYBETTİ.

Türkiye’de her yıl yolcu otobüslerinin karıştığı kazalarda sayısız vatandaş hayatını kaybediyor.

Bu olayda kusurlu kimdir bilmiyorum ancak bu firmaların şoförleri ciddi şekilde denetlenmeli ve takip edilmeli.

Zaman zaman işlerim için ben de yolcu otobüslerini kullanıyorum. Normal hızlarının çok üstünde gidiyorlar. Zaten vatandaşların çektiği videolar da haberlere yansıyor.

Allah rahmet eylesin demekten başka bir şey yapmıyoruz. https://t.co/qYGP8TJMQT

— ibrahim Haskoloğlu (@haskologlu) October 11, 2026

Едно од повредените лица е во критична состојба, изјави гувернерот на Маниса, Вахдетин Јозкан. Тој додаде дека Јавното обвинителство веќе започнало истрага за причините за несреќата.

„Според првичните информации, 11 наши сограѓани загинаа, а 26 се повредени во сообраќајна несреќа во областа Акхисар во Маниса. Екипите на AFAD, полицијата, жандармеријата, противпожарната служба и итната медицинска помош (112) веднаш беа упатени на местото на настанот и започнаа со интервенција. Внимателно ја следиме ситуацијата заедно со сите надлежни институции. Се молам на Бога за милост кон нашите сограѓани кои ги загубија животите, за трпение и сочувство до нивните семејства, како и за брзо закрепнување на повредените. Нека Бог ја заштити нашата земја и нашиот сакан народ од секаков вид несреќи и катастрофи“, напиша министерот за внатрешни работи Мустафа Чифтчи на социјалните мрежи.

Засега нема официјални информации за идентитетот и држајанството на патниците во автобусот, а подоцна се очекува да бидат објавени имињата на загинатите и на повредените лица.