И НОВИОТ НОРВЕШКИ КРАЛ БЕГАЛ ОД КРУНАТА КАКО ТАТКО СИ Хакон за љубовта ја прекршил традицијата
Хакон сакал да биде што подалеку од кралскиот двор, па наместо Оксфорд ја избрал Калифорнија. По враќањето во Норвешка се вљубил во Мете-Марит и не дозволил нејзиното минато да им застане на патот.
Момчето кое се вознемирувало кога требало да зборува за своето норвешко кралско потекло денеска ја носи круната. Хакон, 53-годишниот син на скоро починатиот Харалд Петти, е нов крал на Норвешка, а неговиот пат до престолот бил сè освен обична кралска приказна.
Како млад, Хакон сакал да побегне што подалеку од статусот што го следел од раѓање. Подоцна ја избрал и жената со која сакал да живее, иако не се вклопувала во традиционалната слика за идна кралица.
Мете-Марит ја запознал на музички фестивал.
Таа била обична девојка, самохрана мајка и жена чие бурно младешко минато веднаш станало храна за норвешките медиуми.
Хакон, сепак, не се откажал од неа.
Тука приказната потсетува на онаа на неговиот татко. Децении претходно, таткото, Харалд, ја прекршил традицијата за да се ожени со Соња, жена без кралско потекло. Харалд ја чекал својата љубена 9 години пркосејќи на обичаите и на својот татко поставувајќи му ултиматум дека ќе остане ерген ако не се ожени со неа.
Од кралскиот двор побегнал во Калифорнија
Наследниот на Харалд имал слични проблеми. Синот уште како ученик тешко го прифаќал животот под кралската лупа.
„Да, бев член на кралското семејство, но не сакав да зборувам за тоа. Во училиште тоа ме правеше вознемирен“, напишал во својата автобиографија од 2023 година.
Престолонаследник станал во 1991 година, но решил да не го повтори образовниот пат на татко му и на дедо му.
Наместо Оксфорд, го избрал Универзитетот на Калифорнија. Сакал да биде што подалеку од Норвешка. Го привлекувале музичката сцена и сурфањето во Калифорнија.
Но, по враќањето дома во 1999 година, животот му приредил пресврт.
Фестивалот на кој ја сретнал идната кралица
Хакон ја запознал Мете-Марит на музички фестивал.
Кога нивната врска станала јавна, почнале и проблемите. Медиумите веднаш се заинтересирале за минатото на жената која можела еден ден да стане норвешка кралица.
Мете-Марит немала благородничко потекло. Била самохрана мајка и имала син од претходна врска. Во младоста била дел од норвешката клупска сцена.
Но, Хакон ја избрал неа. Токму неговиот татко Харалд потоа јавно ја прифатил Мете-Марит во семејството.
Хакон и Мете-Марит се венчале во 2001 година. Добиле две деца, принцезата Ингрид Александра и принцот Свере Магнус.
Ингрид Александра сега станува престолонаследничка.
Круната од која некогаш сакал да побегне
Со годините Хакон сè повеќе ги преземал кралските обврски. Тоа особено било видливо кога здравјето на Харалд почнало да се влошува.
Сега, по смртта на татко му, 53-годишниот Хакон станал четвртиот норвешки крал во модерната ера на земјата.
Ако го задржи своето име како кралско, ќе владее како Хакон Осми.
Круната на крајот стигнала до човекот кој како момче не сакал ниту да зборува дека е роден за неа.
ТРИПАТИ БЕШЕ ОЛИМПИЕЦ, ЗА СОЊА ЈА СКРШИ КРАЛСКАТА ТРАДИЦИЈА Почина „дедото на нацијата Норвешка“