МАКЕДОНИЈА ПРОДОЛЖУВА ДА БЕЛЕЖИ НЕГАТИВЕН ПРИРАСТ НА НАСЕЛЕНИЕТО Бројот на живородени деца во вториот квартал е намален за 3%

И во второто тримесечје во 2026 година природниот прираст на населението е негативен и изнесува -1 005, објави Државниот завод за статистика.

Во второто тримесечје од годинава споредено со истиот период од 2025 година, бројот на живородените деца е намален за 3,0% и изнесува 3.684 деца.

Бројот на умрените лица во второто  тримесечје од 2026 година бележи намалување од 0,6 % во споредба со истото тримесечје лани и  изнесува 4.689 лица, а од нив 10 се умрени доенчиња.

Природниот прираст е негативен и изнесува  -1 005, што значи дека за толку лица е помал бројот на живородените деца од бројот на умрените лица.

Во ова тримесечје од годината се склучени 2.732 бракови и нивниот број е намален за 2,2 % во споредба со истиот период од 2025 година, а регистрирани се и 406 разведени бракови.

Доколку се направат споредби со претходниот период, во првиот квартал од 2026 година природниот прираст изнесуваше уште поостри -1.962 лица (со 3.380 родени и 5.342 починати). Со додавање на вториот квартал, за првите шест месеци од 2026 година државата има кумулативен природен губиток од близу 3.000 жители (без да се пресметаат надворешните миграции).

Овие показатели покажуваат континуитет на долгогодишната демографска криза и стареење на населението во Македонија.