📷🎥 ЏЕНИФЕР ЛОПЕЗ ОБЈАВИ ФОТОГРАФИИ СО ДЕЦАТА ОД ОДМОРОТ ВО ИТАЛИЈА Додека мајка им ужива во убавините на земјата, близнаците гледаат во телефоните

За време на престојот во Италија, семејството ги посети најпознатите знаменитости – Колосеумот во Рим, Ватикан, музеи и уметнички галерии, а се возеше и со гондола низ каналите на Венеција. Лопез пленеше со своите елегантни летни комбинации, додека Макс и Еме останаа верни на опуштениот спортски стил. Патувањето е дел од нејзината желба да создаде уште неколку незаборавни семејни спомени пред близнаците да заминат на различни факултети.

Сепак, идиличните фотографии предизвикаа поделени реакции. Голем дел од следбениците забележаа дека за време на возењето со гондола, наместо да уживаат во погледот кон Венеција, близнаците најголем дел од времето гледале во мобилните телефони. Други коментираа дека речиси постојано носеле слушалки, па сметаат дека така пропуштиле дел од магијата на патувањето.

– Толку е тажно… Се возат со гондола во Венеција, а погледите им се вперени во телефоните – напиша една следбеничка, додека друг коментар гласеше:

– Постојано со слушалки во ушите? Навистина тажно.

Имаше и такви кои ги бранеа тинејџерите, истакнувајќи дека неколку фотографии не можат да покажат како навистина го поминале целиот одмор.

За време на престојот во Венеција, Џенифер Лопез објави и кратко видео во кое ја оживеа легендарната сцена од спотот „Like a Virgin“ на Мадона, снимен во истиот град во 1984 година. Со пораката „I had to do it…“ пејачката им оддаде почит на една од најпознатите поп-песни во музичката историја, а видеото брзо стана вирално на социјалните мрежи.

I had to do it…🛶 pic.twitter.com/M3i40PIWIn

— jlo (@JLo) August 3, 2026