ОРМУСКИОТ ТЕСНЕЦ Е „ЦРВЕНАТА ЛИНИЈА“ НА ИРАН Порака од иранската армија до Трамп
Исламската Република Иран има можност да го контролира Ормускиот теснец од која било точка на својата територија, и тоа никогаш не зависи од бреговите и островите - рече портпаролот на иранската армија.
Иран го прогласи Ормускиот теснец за неповредлива „црвена линија“, предупредувајќи дека доколку американскиот претседател Доналд Трамп изврши закана за напад врз иранската инфраструктура, Иран ќе возврати со напади врз целата инфраструктура низ регионот на Персискиот Залив.
Портпаролот на иранската војска, Ебрахим Зулфиќари изјави дека Ормускиот Теснец, низ кој поминуваа околу една петтина од светските испораки на нафта и гас пред војната, е „црвена линија“ за Иран врз која земјата има цврста контрола.
– Американците мислеа дека со напад врз некои од нашите бази на јужниот брег на земјата, ќе можат да ја преземат контролата врз овој стратешки теснец. Сепак, Исламската Република Иран има можност да го контролира Ормускиот теснец од која било точка на својата територија, и тоа никогаш не зависи од бреговите и островите – рече Зулфиќари.
Иранската војска претходно изјави дека, доколку американскиот претседател Доналд Трамп изврши напад врз иранската инфраструктура, Иран ќе возврати со напади врз целата инфраструктура низ регионот на Персискиот Залив.
– Несомнено ќе се спротивставиме до крај и ќе ги неутрализираме американските интервенции во регионот – изјави Зулфиќари.
Портпарол на иранската војска рече дека единствениот начин за повторно отворање на Ормускиот теснец е САД да го почитуваат меморандумот за разбирање од 14 точки потпишан од двете страни во јуни, како и да ги почитуваат иранските прописи што го регулираат поморскиот сообраќај низ теснецот.
View this post on Instagram