ТАГ УРЕДОТ Е ЗАДОЛЖИТЕЛЕН ЗА КАМИОНИТЕ КОИ МИНУВААТ НИЗ СРБИЈА Камионџиите мора да платат патарина и на обиколницата на Белград
Камионите повеќе не мора да застануваат на наплатните рампи, што значително ги намалува застојот, особено на високофреквентните делници и меѓународните коридори.
Во Србија од денеска, сите возачи на камиони се должни да користат TAG уред за електронска наплата на патарина. Исто така од денеска се наплаќа патарина за камиони и на обиколницата околу Белград.
Една од главните причини за воведување на задолжителен TAG уред за електронска наплата на патарина за камиони е забрзување на протокот на сообраќај. Камионите повеќе не мора да застануваат на наплатните рампи, што значително ги намалува застојот, особено на високофреквентните делници и меѓународните коридори.
Друга важна предност е попрецизната и потранспарентна наплата на патарина. На овој начин, државата има подобра контрола врз приходите, додека транспортните компании можат полесно да ги следат и планираат трошоците, објави РТС.
-Воведувањето на TAG уредите е дел од пошироката дигитализација и модернизација на сообраќајната инфраструктура во Србија – велат од „Патишта на Србија“.