📽️ ПОЛИЦИСКО ВОЗИЛО УЧЕСТВУВАШЕ ВО СООБРАЌАЈКА Повреден возач по судар со возило на МВР во Црниче
Судир меѓу службена „октавија“ на МВР и „фабиа“ на улицата Востаничка.
Сообраќајна несреќа во која учествувало службено возило на Министерството за внатрешни работи се случи денеска претпладне во скопската населба Црниче.
Несреќата била пријавена денес околу 11:30 часот на улицата Востаничка, каде се судриле „шкода октавија“ сопственост на МВР и „шкода фабиа“, двете со скопски регистарски ознаки.
Можеби ќе ве интересира
Во незгодата повреден е возачот на службеното возило, кој бил пренесен во Ургентниот центар при комплексот клиники „Мајка Тереза“ за укажување лекарска помош.
Од МВР информираат дека увидот е во тек, а за настанот се известени јавен обвинител и Одделот за внатрешна контрола.