ПРОТЕКОА ХИРОВИТЕ НА ПОРАНЕШНАТА КРАЛСКА СНАА Ѝ ги пеглале дури и најлонките, а портокалот го цеделе пред неа

Поранешната војвотка од Јорк, Сара Фергусон, повторно се најде во центарот на вниманието по новите откритија за нејзината финансиска врска поврзани со Џефри Епстин, но и поради деталите за нејзиниот раскошен живот, кои со години ги полнат британските таблоиди.

Откритието дека таа прифатила заем од 15.000 фунти од Епстин во 2011 година беше особено значајно, а подоцна беше откриено дека осудениот сексуален престапник ѝ помагал финансиски до 15 години. Документите од досиејата на Епстин откриваат како тој организирал луксузни патувања за неа, сместување во САД, па дури и платил скапи летови за неа и нејзините ќерки, принцезите Беатрис и Јуџин.

Во својата книга „Sarah’s Story: The Duchess who Defied the Royal House of Windsor“, авторите Крис Хачинс и Питер Томпсон го разоткрија вистинскиот обем на нејзините претерувања.

Интервјуата со персоналот на огромниот имот Санингхил од 50.000 хектари им дадоа увид во нејзините многубројни необични хирови, вклучувајќи го и нејзиното барање персоналот внимателно да ги пегла сите нејзини гаќички, градници и хулахопки. Ако некој дел од облеката не мирисал на нејзиниот омилен омекнувач за алишта, таа барала повторно да се испере.

Поранешната војвотка, исто така, инсистирала да има две шишиња со топла вода поставени покрај нејзиниот кревет секоја вечер, наредувајќи им на персоналот да ја мерат температурата на водата за да се осигурат дека е точно по нејзин вкус.

Ферги, исто така, била упорна во тоа да пие свежо цеден сок од портокал секое утро, при што портокалите се цеделе додека седнувала на масата.

– Таа можеше да ја почувствува разликата ако сокот беше направен порано и одбивала да го допре – додале Хачинс и Томпсон.

Сара и Ендру, на кои оттогаш им се одземени кралските титули, наводно трошеле 300 фунти неделно на зеленчук во Waitrose, додека нивниот замрзнувач бил полн со сладолед, кој ретко го допирале.

Дури и нивниот Џек Расел, Бендикс, живеел во целосен луксуз – еден пријател се присети како персоналот морал да му готви на кучето вистински вечери, црн дроб или колбаси со сос.

Врвот на луксузот бил Санингхил Парк, вила со 12 спални соби што ја делела со принцот Ендру до неодамна. Куќата имала хелиодром, кино, базен, простории за персоналот, панични копчиња, па дури и засолниште од бомби. Само годишните трошоци за осигурување наводно изнесувале околу 300.000 фунти, а ентериерите биле исполнети со илјадници скапи подароци. Но, Епстин не бил единствениот извор на пари. Ферги со години акумулирала долгови, кои до средината на 1990-тите веќе надминале 3,7 милиони фунти.

По разводот од Ендру во 1996 година, Ферги живеела во луксуз со години, но денес ситуацијата значително се променила. Според британските медиуми, таа е во еден вид криза со домувањето, откако на Ендру му биле одземени кралските титули, а нејзината поврзаност со Епстин дополнително ѝ го нарушила угледот.

Според извори блиски до семејството, иднината на Ферги во моментов е неизвесна, а нејзиниот поранешен круг на пријатели и сојузници се намалува. Приказната за војвотката која го сакала луксузот служи како уште еден потсетник за високата цена што може да ја има животот без граници.