🎥 НИКИ МИНАЖ ИЗГУБИ 10 МИЛИОНИ СЛЕДБЕНИЦИ После гафот пред вдовицата на Чарли Кирк познатата раперка го избриша профилот на Инстаграм

Популарната раперка Ники Минаж се најде на мета на бројни критики поради нејзините политички настапи и неспретни изјави, што кулминираше со нејзиното исчезнување од една од најпопуларните платформи, Инстаграм.

Сè ескалираше откако Минаж се појави како изненадувачки гостин на настан на конзервативната организација Turning Point USA во Феникс на 21 декември, каде што ја делеше сцената со Ерика Кирк, вдовицата на убиениот Чарли Кирк.

Реперката предизвика лавина од негативни реакции кога, додека зборуваше за конзервативни примери за млади мажи, направи непријатен гаф. Во особено незгоден момент, со оглед на тоа што сопругот на Ерика Кирк, Чарли Кирк, беше убиен во септември на сличен настан, Минаж го опиша потпретседателот Џ.Д. Венс користејќи позитивен сленг израз што може да се преведе како „убиец“ („assassin“ – убиец во буквална смисла, но во овој контекст Ники мислеше на убиствен, добар политичар).

– Драги млади мажи, имате неверојатни примери, како нашиот згоден и елегантен претседател. И имате неверојатни примери како убиецот, Џ.Д. Венс, нашиот потпретседател – и кога го велам тоа… – изјави Минаж, а потоа нагло застана и ја покри устата со раката, очигледно сфаќајќи ја својата грешка.

Ерика Кирк се обиде да ја смири ситуацијата со зборови на поддршка, велејќи дека понекогаш едноставно мора да се смеете во вакви моменти.

Овој инцидент, заедно со нејзината сè поочигледна поддршка за конзервативците и неодамнешните судири со други музичари, доведе до масовни критики. Исто така, имаше тврдења дека раперката изгубила речиси 10 милиони следбеници на Инстаграм за краток временски период, иако оваа бројка не е официјално потврдена. Кратко потоа, нејзиниот Инстаграм профил исчезна.

Обожавателите шпекулираат дали таа само привремено го деактивирала, што наводно го правела и претходно, или овојпат трајно го избришала.

Веста за исчезнувањето на профилот предизвика мешани реакции.

– Ова навистина воопшто не беше нејзина година… – напиша еден корисник, а друг додаде: Се ослободивме од неа, сега мора да го сториме истото и со нејзиниот X профил.

Сепак, многу од нејзините обожаватели веруваат дека овој потег нема да ѝ наштети.

– Вчера имаше повеќе стримови отколку Карди и Меган заедно. Мислам дека ќе биде во ред ако изгуби некои левичарски обожаватели – гласи еден коментар.