ЃОРЃИЕВСКИ ВОДИ ВО СКОПЈЕ Кандидатите на ВМРО-ДПМНЕ доминираат во повеќето општини според првичните резултати
Иако резултатите се првични, трендот покажува јасно водство на ВМРО-ДПМНЕ и нивните кандидати во мнозинството скопски општини, со неколку исклучоци во централните и албанските делови на градот.
Според првичните резултати објавени од Државната изборна комисија (ДИК), кандидатот за градоначалник на Град Скопје од ВМРО-ДПМНЕ и коалицијата, Орце Ѓорѓиевски, убедливо води со 41,04% од гласовите.
Зад него се Башким Бакиу од ВРЕДИ со 17,05% и Скендер Реџепи од НАИ со 15,56%, додека Амар Мециновиќ од Левица има 10,47%, а Каја Шукова од СДСМ 9,42%. Овие резултати ја потврдуваат трендот на водство на ВМРО-ДПМНЕ во речиси сите скопски општини.
Во општина Аеродром, кандидатот Дејан Митевски од ВМРО-ДПМНЕ води со освоени 56,81 проценти од гласовите, пред кандидатот на СДСМ, Александар Трајановски, кој има 18,27 проценти.
Во Гази Баба, водство има Бобан Стефковски од ВМРО-ДПМНЕ со 50,97 проценти, додека Влатко Митовски има поддршка од 24,20 проценти.жВо Ѓорче Петров, кандидатот Александар Стојковски од ВМРО-ДПМНЕ води со 58,06 проценти, а неговиот противкандидат од СДСМ, Костадин Ацевски, има 19,22 проценти.
Во Кисела Вода, Бети Стаменковска Трајковска од ВМРО-ДПМНЕ има поддршка од 58,59 проценти, пред Јане Ацевски од Левица кој има 16,71 процент.
Во Сарај, води Блерант Рамадани од НАИ со 49,66 проценти, додека Мухамет Елмази од ВРЕДИ има 48,63 проценти.
Во Центар, водство има Горан Герасимовски од СДСМ со 38,58 проценти, пред Мирослав Лабудовиќ од ЗНАМ кој има 25 проценти.
Во Чаир, Изет Меџити од ВРЕДИ има поддршка од 55,61 проценти, додека Бујар Османи од НАИ има 36,86 проценти.
Во Бутел, води Исамедин Азизи од НАИ со 55,45 проценти, пред Дарко Костовски од ВМРО-ДПМНЕ кој има 23,02 проценти.
Во Карпош, Сотир Лукровски од ВМРО-ДПМНЕ води со 38,61 проценти, додека Стевчо Јакимовски од ГРОМ има 24,09 проценти.