ЕВРОПСКАТА КОМИСИЈА Ѝ СКРАТИ ПАРИ НА БУГАРИЈА Не исполни еден услов за борба против корупција
Неисполнетата препорака, поради која е донесена одлука само за делумна исплата на парите, се однесува на реформа поврзана со Комисијата за борба против корупцијата и за конфискација на нелегален имот.
Европската комисија даде позитивна оценка по второто барање на Бугарија за исплата на средства во рамките на Механизмот за опоравување и отпорност (РРФ), но утврди дека едно барање поврзано со телото за борба против корупцијата не е исполнето, поради што реши да одобри само делумна исплата на поддршката – изјави денеска портпаролот на ЕК за кохезија и реформи Мачеј Берестецки.
– Станува збор за постапка за делумна исплата, при што во оваа фаза не ја објавуваме сумата, но испративме писмо до Бугарија во кое ги информиравме за износот што ќе биде суспендиран доколку оваа препорака не биде исполнета – рече Берестецки.
Тој додаде дека Бугарија сега има рок од еден месец да одговори на забелешките и ако по добиениот одговор ЕК оцени дека препораката сѐ уште не е исполнета, тогаш ова исплатата ќе биде суспендирана за уште шест месеци.
Неисполнетата препорака поради која е донесена одлука само за делумна исплата на средствата, се однесува на реформа поврзана со Комисијата за борба против корупцијата и за конфискација на нелегален имот.