НОВ СКАНДАЛ ГО ТРЕСЕ КРАЛСКОТО СЕМЕЈСТВО Вистината за односот меѓу војвотката и педофилот Епштајн

Војвотката од Јорк е отфрлена од добротворна организација како покровителка по новите откритија за нејзиниот контакт со покојниот педофил и финансиер Џефри Епштајн.

Детскиот добротворен дом Џулија Хауснес изјавил дека би било „несоодветно“ да остане поврзан со Сара Фергусон откако се појави нејзиното извинување испратено по е-пошта до Епштајн.

Објавата дојде откако и војводата и војвотката од Јорк беа видени за прв пат откако најновиот скандал беше откриен од „Мејл он Сандеј“.

Новите мејлови што протекоа во јавноста сугерираат дека војвотката од Јорк, Сара Фергусон, не била искрена во своите јавни изјави за прекинувањето на врската со покојниот педофил Џефри Епштајн. Се чини дека нејзината јавна осуда на постапките на Епштајн била повеќе насочена кон заштита на сопствената репутација, отколку кон вистинско дистанцирање од него, пишува Дејли Меил.

Во мејловите што ги добил Меил он Сандеј, војвотката вели дека Епштајн бил „одличен пријател“ и дека ѝ помогнал кога се соочувала со финансиски тешкотии. Во порака од 22 јануари 2011 година, Фергусон напишалa: „Како можам да ви се заблагодарам? Вие сте вистински пријател и еден ден ќе ви се оддолжам“.

Иако подоцна јавно призна дека ги прифатила неговите пари, тврдејќи дека тоа е „огромна грешка“, таа го сториla тоа во контекст на зголемен медиумски притисок, насочен кон нејзината врска со Епштајн.

Неколку недели подоцна, на 7 март 2011 година, војвотката даде интервју за Лондон Ивнинг Стандард, каде што повтори дека никогаш повеќе нема да има никаква врска со Епштајн. Сепак, според информациите од новите е-пораки што ги испратила на 26 април истата година, таа признава дека била под притисок кога го дала интервјуто, објаснувајќи дека ѝ било советувано да се дистанцира од парите и врските со Епштајн за да ја зачува својата кариера како авторка на детски книги. Во пораката, таа додала: „Жал ми е што се откажав од вас. Не го направив тоа од лично убедување, туку за да ја заштитам мојата работа.“

Протечените е-пораки фрлаат сомнеж врз нејзините претходни изјави дека ја прекинала врската со Епштајн поради неговите морални недостатоци. Наместо тоа, се чини дека поголемиот мотив бил да ја зачува својата професионална кариера, особено во контекст на нејзината вклученост во детски организации и како авторка.

Новиот скандал доаѓа само неколку дена откако војвотката и нејзиниот поранешен сопруг, принцот Ендру, направија нов обид повторно се обиделе да го вратат вниманието на јавноста, пто предизвикало опсежна критика, вклучително и нивното неодамнешно појавување на погребот на војвотката од Кент.