ЗА ЕДЕН МЕСЕЦ ИЗГРАДБАТА НА КУЌИ ПОСКАПЕ ЗА 1,1% Најмногу пораснаа трошоците за работна рака

За 1,1% се зголемени трошоците во градежништвото за нови објекти за индивидуално домување во вториот квартал во однос на првиот квартал годинава, објави денеска Државниот завод за статистика (ДЗС)..

На годишна основа, пак, забележано е намалување за 0,3%.

Како што наведува ДЗС, трошоците во градежништвото за нови објекти за индивидуално домување во второто тримесечје во однос на претходното тримесечје се зголемени за 1,1%, трошоците за материјали за 0,4%, а трошоците за вработените за 2,6%.

Во второто тримесечје од 2025 година, во однос на истото тримесечје од претходната година, трошоците во градежништвото за нови објекти за индивидуално домување се намалени за 0,3 %, трошоците за материјали се зголемени за 0,7%, а трошоците за вработените се намалени за 2,3%.