📽️ ПОЖАР НА ХАЛКИДИКИ БЕСНЕЕ ВЕЌЕ 3 ЧАСА Жителите на Вурвуру се евакуирани во Никити
Во гаснењето учествуваат 65 пожарникари со два пешадиски тима, 20 возила, волонтери, како и 14 авиони и 5 хеликоптери, а помагаат и цистерни од општините.
Сè уште е активен шумскиот пожар на вториот крак на Халкидики во регионот на Вурвуру, меѓутоа не се во опасност населени места, според информациите од противпожарната служба на Грција, јави дописничката на МИА од Атина.
Пожарот што избувна околу 16 часот по локално време, гори густа борова шума и е во непрооден дел, а над три часа подоцна сè уште не е ставен под контрола, иако интервенираат голем број пожарникари и дополнително се засилени воздушните средства.
Во гаснењето учествуваат 65 пожарникари со два пешадиски тима, 20 возила, волонтери, како и 14 авиони и 5 хеликоптери, а помагаат и цистерни од општините.
View this post on Instagram
🚨🔥 A forest fire broke out at noon in Vourvourou, Halkidiki, Greece. Authorities issued an emergency alert urging residents to evacuate toward Nikiti. The firefighting effort involves 65 firefighters, 2 hiking teams, 20 vehicles, volunteers, 8 aircraft, and 2 helicopters.
— Volcaholic 🌋 (@volcaholic1) July 2, 2025
Send firefighting planes fast at Vourvourou Sithonia @pyrosvestiki pic.twitter.com/tVyvFNxDT4
— Kandžitis (@kandzitis) July 2, 2025
Населените и туристичките места веднаш беа евакуирани, со оглед на тоа што од бројот 112 за итни случаи беше испратена порака до сите што се во конкретната област да се евакуираат кон Никити.
Дополнително евакуиран бил и еден камп.
Временските услови, односно слабиот ветер, како и близината на морето, помагаат во гаснењето на пожарот.
Поради пожарот во прекин е сообраќајот на возила на патот Неа Мудања – Спарти од Ормос Панагиас до Вурвуру, а од полицијата ги повикаа возачите да бидат особено внимателни и да ги следат упатствата од полицајците.