ЗА СЕКОЈА БОЛКА ИМА НЕКОЈА ТРЕВКА Френки од Буњаковец е жива енциклопедија, а неговата тезга – најголема аптека
Хрватот кој повеќе од 30 години со своето семејство живее во Скопје, во текот на сите овие години живот и работа, стана вистинска легенда на пазарчето Буњаковец. Некои го знаат како Владо, а сите други, како Френки-Буњаковец. Неговата тезга е вистинска аптека за природни лекови под отворено небо
Нашиот соговорник Владо, попознат како Френки од Буњаковец, е роден во гратчето Метковиќ, во јужна Далмација, пораснат е во Мостар, жена му е од Задар, средна Далмација, а во Скопје живеат од 1993-та.
Тој е еден од најдобрите познавачи на билки, од кои повеќето ги берат со својот син од најчистите предели низ Македонија, во екот на нивната сезона. На пример, деновиве цело Скопје доаѓа на неговата тезга на пазарот Буњаковец по мечкин лук (сремуш) кој тие го берат на Китка, но многу внимателно, вели тој, поради змијата-поскок која во овој период знае да се појави по ливадите.
Периодов собирале и глуварче од Матка за кое советува, да се суши сосе корен за да не ги изгуби скапоцените здравствени придобивки. Обично тој и син му берат во неделите и понеделниците кога нивната тезга на Буњаковец, е под клуч. Тоа се два дена неделно кои веќе со години, иако ги користи за собирање на тревки и за ловење риби, ги смета за денови за себе и за сопствениот мир.
Владо уште како дете ја засакал природата и почнал да лови риба, ама на диви реки, на времето, во неговиот роден крај, на Неретва, а сега најчесто, на Радика. И вели, додека оди по риба, наместо да ја гази мајчината душичка, се наведнува, ја собира во ранец, ја суши и ја пакува за употреба и за продажба на својата тезга.
Ете толку е едноставно кога некој сака.
Целиот текст и повеќе фотографии ќе најдете на порталот „Арт кујна“.