ИЛОН МАСК ВЛЕЗЕ ВО ЖЕСТОКА РАСПРАВИЈА СО ТИЕРИ БРЕТОН Милијардерот го нарече еврокомесарот „тиранинот на Европа“
Оваа расправија се случи за време на нова онлајн полемика меѓу двајцата, милијардерот Илон Маск и еврокомесарот Тиери Бретон, во врска со поддршката на Маск за германската екстремна десница.
Американскиот милијардер Илон Маск денеска го нарече поранешниот европски комесар за дигитализација, Французинот Тиери Бретон, европски тиранин, објави НДТВ.
Ова се случи за време на нова онлајн полемика меѓу двајцата во врска со поддршката на Маск за германската екстремна десница.
Кон крајот на декември, Маск во порака на Икс рече дека само екстремно десничарската Алтернатива за Германија (AфД) може да ја спаси Германија. Неговиот коментар предизвика жестока осуда во Европа, при што Бретон во тоа време неговата изјава ја нарече „странско мешање“.
„Човеку, американското ‘странско мешање’ е единствената причина поради која ти денеска не зборуваш германски или руски“, одговори Маск, алудирајќи на американското истоварување во Франција за време на Втората светска војна.
Дебатата беше обновена оваа недела по интервјуто со Бретон на телевизијата БФМТВ/РМЦ (BFMTV/RMC).
– Да ја задржиме нашата ладнокрвност и да ги спроведуваме нашите закони во Европа кога тие се изложени на ризик да бидат заобиколени. Тоа го направивме во Романија и треба да го направиме во Германија ако треба – рече Бретон.
Маск денеска на Икс одговори со посочување на „неверојатната апсурдност на Тиери Бретон, тиранинот на Европа“.
The astounding absurdity of @ThierryBreton 🤡 as tyrant of Europe 😂 https://t.co/fdLp8rbF0M
— Elon Musk (@elonmusk) January 11, 2025
Како одговор на пораката на Маск, Бретон, исто така, напиша на мрежата Икс: „Тиранинот на Европа. Чекај. Но, не, Илон Маск: ЕУ нема механизам да поништи какви било избори насекаде во ЕУ“.
Tyrant of Europe🤴? Wow!
But No @elonmusk: the EU has NO mechanism to nullify any election anywhere in EU. Not at all what is said in the video below related only to the application of the DSA and its moderation obligations. Lost in translation 🎥…or another fake news🤡? https://t.co/oqh8wI4O55— Thierry Breton (@ThierryBreton) January 11, 2025
„ПРЕТСЕДАТЕЛОТ ШТАЈНМАЈЕР Е ТИРАНИН! СРАМ ДА МУ Е!“ Илон Маск влезе во дуел со германските власти