ЛОНДОНСКАТА ПОЛИЦИЈА Е ПОД ИСТРАГА ЗА ПРИКРИВАЊЕ СЕКСУАЛНИ ЗЛОСТОРСТВА НА АЛ ФАЈЕД Никогаш не бил обвинет и покрај доказите

Лондонската полиција и раководството на „Хародс“ се соочуваат со прашања зошто не било преземено дејство против покојниот поранешен сопственик на познатата стоковна куќа „Хародс“, Мохамед Ал Фајед, додека бил жив. Во 2008 година, детективи го испрашувале за наводно сексуално злоставување на 15-годишник, а полицијата во два наврата доставила досиеја со докази до обвинителството. Ал Фајед никогаш не бил обвинет.

582

Британската независна канцеларија за полициско однесување ќе истражува дали лондонската полиција правилно постапувала со обвинувањата за сексуални злосторства против Мохамед Ал Фајед, покојниот поранешен сопственик на познатата стоковна куќа „Хародс“.

Канцеларијата денеска соопшти дека ќе ја надгледува истрагата на Дирекцијата за професионални стандарди при лондонската полиција за да се утврди дали биле пропуштени можности за изведување на богатиот бизнисмен пред лицето на правдата.






СИЛУВАЛ 111 ЖЕНИ, А НАЈМЛАДАТА ЖРТВА ИМАЛА 13 ГОДИНИ?! Кој е милијардерот Мухамед ал Фајед, најзлогласниот сексуален предатор во Велика Британија?

– Постои сериозна загриженост на јавноста во врска со овој случај, со значителен број обвинувања кои биле пријавени во текот на многу години додека Ал Фајед сè уште беше жив. Важно е да се спроведе истрага за овие жалби, за да се утврди дали имало пропусти од страна на полицијата во истрагата уште од 2008 година – изјави директорот на Канцеларијата.

По емитувањето на извештајот на Би-Би-Си во септември, во кој неколку поранешни вработени во „Хародс“ изнесоа тврдења, полицијата разгледува повеќе обвинувања за силување или сексуално злоставување против Ал Фајед, кој почина во 2023 година, на 94-годишна возраст. Полицијата моментално истражува 21 обвинување, а вкупно над 100 жени се обратиле до полицијата со тврдења дека биле сексуално злоставувани од овој тајкун.

Лондонската полиција и раководството на „Хародс“ се соочуваат со прашања зошто не било преземено дејство против Ал Фајед додека бил жив. Во 2008 година, детективи го испрашувале за наводно сексуално злоставување на 15-годишник, а полицијата во два наврата доставила досиеја со докази до обвинителството. Ал Фајед никогаш не бил обвинет.

Мохамед Ал Фајед, бизнисмен роден во Египет, се пресели во Британија во 1960-те и ја купи стоковната куќа „Хародс“ во средината на 1980-те. Стана јавна фигура преку сопственоста на продавницата и на лондонскиот фудбалски клуб „Фулам“. Тој честопати беше на насловните страници, особено по трагичната смрт на неговиот син Доди, заедно со принцезата Дијана, во сообраќајна несреќа во Париз во 1997 година.

Во 2010 година, Ал Фајед ја продаде „Хародс“ на компанија во сопственост на Катар преку нејзиниот државен фонд „Катар инвестмент ауторити“.

ПО 420 ЖЕНИ СЕГА И 10 МАЖИ ГО ОБВИНИЈА АЛ ФАЈЕД ЗА ЗЛОСТАВУВАЊЕ Нови обвиненија против озлогласениот милијардер

Поврзани содржини