ВОЈНИЦИТЕ НА КИМ ЈОНГ УН ПАЃААТ КАКО ПОКОСЕНИ Загинаа 1.100 Севернокорејци во Руско-украинската војна
Според проценката на Здружениот штаб на армијата на Јужна Кореја, севернокорејските војници, кои неодамна се вклучија во борба со украинските сили, претрпеле околу 1.100 жртви.
Повеќе од 1.000 севернокорејски војници се убиени или ранети во војната на Русија со Украина, соопшти Здружениот штаб на армијата на Јужна Кореја, соопшти Москоу тајмс.
„Оценуваме дека севернокорејските војници, кои неодамна се вклучија во борба со украинските сили, претрпеа околу 1.100 жртви“, се вели во соопштението на Здружениот штаб.
Според разузнавачките информации на Здружениот штаб, Пјонгјанг произведува и обезбедува камикаѕе беспилотни летала за Русија, за да ѝ помогне на Москва во нејзината борба против Украина.
„Северот, исто така, испорача ракетни фрлачи од 240 милиметри и артилерија“, соопшти началникот на здружениот генералштаб на Јужна Кореја.
Војската на Сеул истакна дека Северна Кореја сака да ги модернизира своите капацитети за конвенционално војување врз основа на борбеното искуство во Руско-украинската војна.
„Ова може да доведе до зголемување на воената закана на Северот за нас“, се вели во соопштението.
Најновите наоди се усогласуваат со извештајот на Националната разузнавачка служба, кој ги информираше пратениците дека „Русија може да понуди реципрочни придобивки“ за воените придонеси на Северна Кореја, вклучително и „модернизација на конвенционалното вооружување на Северна Кореја“.
Пјонгјанг испрати илјадници војници за да ја засили руската војска, според западните влади, вклучително и во пограничниот регион Курск каде што украинските сили зазедоа територија претходно оваа година.
ПУТИН Е ИЗОЛИРАН И ОЧАЕН Барањето помош од Северна Кореја ја разоткрива слабоста на Русија