📽️ СЕ АКТИВИРА ИНДОНЕЗИСКИОТ ВУЛКАН ЛАКИ-ЛАКИ Вжарената лава паѓаше врз куќите, најмалку 9 лица загинаа

Најмалку 9 лица загина откако еруптира вулканот Лаки-Лаки кој се наоѓа на планината Левотоби  на источниот индонезиски остров Флорес.

Ави Мангота Халан, шеф на одделот за итна реакција и логистика за округот Источен Флорес, изјави дека спасувачките тимови сè уште трагаат по потенцијални жртви заробени под остатоците на урнати домови.

– Сè уште вршиме проценки и може да има повеќе жртви – изјави Халан за ДПА.

Ерупцијата предизвика паника меѓу жителите на околните села, при што многумина ги напуштија своите домови додека паѓал пепел и остатоци.

🌋🇮🇩 Terrible situation in the southeast of Flores Island, Indonesia. The Lewotobi (Lakilaki) volcano erupted and launched powerful bombs of pyroclastic and volcanic ash towards nearby villages. Several houses caught fire and an intense rain of ash and gravel has forced residents… pic.twitter.com/HIUO8pi02T

— Weather monitor (@Weathermonitors) November 3, 2024

Владата прогласи вонредна состојба во погодените области до 31 декември, соопшти Халан.

Поради ерупцијата, властите наредија евакуација на околните села.

Вулканот почна да покажува знаци на зголемена активност на 1 ноември, според Центарот за вулканологија и ублажување на геолошките опасности (ПВМБГ).

Центарот во соопштение наведе дека ерупциите се интензивирани во последните денови, со зголемена сеизмичка активност и зголемени облаци од пепел.

ПВМБГ соопшти дека е воспоставена зона на исклучување од седум километри околу вулканот.

Индонезија се соочува со чести вулкански ерупции и земјотреси.