📽️ ПОЛЕТА НАЈМОЌНАТА РАКЕТА НА СВЕТОТ Носачот успешно се врати на лансирната рампа!
Додека трупот на ракетата се очекува за еден час да се врати во атмосферата на Земјата и да слета во Индискиот Океан, носачот на ракетата успешно се врати на лансирната рампа што за првпат му успеа на Спејс Икс и е историски подвиг во инженерството.
Компанијата Спејс Икс на Илон Маск успешно ја лансираше Старшип („Starship“), најмоќната ракета на светот, постигнувајќи нешто што досега не било постигнато. За време на ова лансирање, Спејс Икс за прв пат се обиде и успеа безбедно да го приземји својот ракетен фрлач, наречен Супер Хеви(„Super Heavy“).
По лансирањето, носачот се вратил на лансирната рампа каде масивни метални краци го фатиле со прецизност.
– Ова е апсолутно неверојатно! – извика инженерот на Спејс Икс, Кејт Тајс за време на преносот во живо.
Watch Starship’s fifth flight test https://t.co/LVrCnTv797
— SpaceX (@SpaceX) October 12, 2024
Додека мисијата за враќање на Супер Хеви е успешно завршена, летот на Старшип продолжува. По раздвојувањето, леталото ги активирало сопствените мотори и сега се движи низ вселената.
The tower has caught the rocket!!
pic.twitter.com/CPXsHJBdUh— Elon Musk (@elonmusk) October 13, 2024
За околу еден час се очекува да се врати во атмосферата на Земјата, што претставува уште еден клучен и ризичен момент. Планирано е Старшип да изврши маневар за слетување над Индискиот Океан.
Ова е петти тест на Старшип, откако леталото постигна значителен успех во март оваа година, надминувајќи ги двата претходни обиди кои завршија со експлозии веднаш по лансирањето.