НАЈТРОФЕЈНИОТ ТЕНИСЕР САКА ДА МУ БИДЕ ТРЕНЕР НА ЃОКОВИЌ Дали уште една легенда влегува во опција?

Поранешниот тенисер број еден во светот и најтрофеен играч во историјата по бројот на освоени титули, Џими Конорс, проговори за раскинувањето на соработката меѓу Новак Ѓоковиќ и Горан Иванишевиќ и изрази заинтересираност тој да му биде нов тренер на српскиот тенисер.

Во својот подкаст „The Connors Advantage“, во кој е водител заедо со синот Брет, легендарниот тенисер истакнува дека кога ќе дојде до прекина на соработката, секогаш е виновен тренерот.

– Да, на прв поглед, можеби. Добро е понекогаш да се размрдаат работите, но веќе не е забавно, дали секогаш е виновен тренерот? Знаете, време е да се ослободите од тренерот! Со некого сте, патувате заедно недела по недела и јадете и поминувате време заедно. Понекогаш ви треба пауза. Да ги размрдаме работите и да видиме што ќе излезе од тоа. Можеби Горан го однесе најдалеку што можеше – вели Џими Конорс.

We preview the final weekend @MiamiOpen w the men’s SF’s later today, Djoker & Ivanišević part ways, plus your questions on a new @advconnors pod https://t.co/xQbGSF1M2K

— Advantage Connors Podcast (@advconnors) March 29, 2024

Тој додаде дека е нормално во одреден момент да се појави презаситеност.

– И тогаш доаѓа некој друг, гледа нешто друго, затоа што да бидеме јасни, работиш со најдобриот играч на сите времиња. Промените и сугестиите што ги носите се минимални. Луѓето од трибините и многумина кои мислат дека знаат тенис, тоа навистина не го гледаат – рече Конорс.

Тенисерот со најмногу титули вели дека би му било чест и задоволство да биде тренер на Новак Ѓоковиќ.

– Јас сум без работа, Брет. Обожавам да правам тениски подкасти и да зборувам за тенис со тебе, но знаеш, доколку се укаже прилика, секако дека ќе ми биде чест и задоволство тој да го земе предвид моето име. Но, како што одат работите, пред малку зборувавме за Даниел Колинс и за тоа како се менува животот и во моментов сум среќен со она што го правам. Го сакам мојот живот и се во него – заклучи тениската легенда.

Џими Конорс во тениската кариера има освоено  109 титули, додека Новак Ѓоковиќ досега има 98.