ГРОЗЈЕ НА ПОЛНОЌ, КРШЕЊЕ ЧИНИИ И „СПАЛУВАЊЕ“ ПОЛИТИЧАРИ ЗА СРЕЌА Бизарни новогодишни обичаи низ светот

Последниот ден од старата година е и најлудата ноќ во годината е пред нас, и без разлика дали ќе ја дочекате 2024 година во топлината на вашиот дом или на некоја луда забава, секој има свој начин да ја направи оваа вечер незаборавна.

Но, додека многумина ќе ги поминат последните часови од старата година со танцување, шампањ и добра храна, некои ќе ја дочекаат Новата година со малку необични ритуали. Имено, во земјите низ светот постојат различни интересни предновогодишни ритуали, ги издвоивме најбизарните.

Удар во тенџере во Нов Зеланд

Новозеланѓаните се меѓу првите кои влегуваат во Новата година, а тоа го прават со што погласно удирање во тенџерињата и капаците, се разбира за среќа.

Кршење чинии во Данска
Во Данска постои необичен ритуал каде што се кршат неискористени чинии пред домовите на најблиските. Така, ако во таа земја на првиот ден од новата година ве разбуди глетката на многу искршени чинии, тоа значи дека сте доста популарни, но и дека имате 365 дена среќа пред вас.

Само круг на Филипините
Филипинците традиционално носат, собираат или јадат тркалезни предмети на новогодишната ноќ. Јадат тркалезно овошје и носат облека со шари како кругови или точки бидејќи веруваат дека таа форма им носи среќа.

Фрлање на мебел во Италија
Исто како Данците, и Италијанците имаат традиција да се ослободуваат од мебелот. Имено, доколку во вашата куќа чувате некои стари парчиња кои не ви се потребни, сега е вистинското време да се ослободите од нив. Италијанците го прават тоа со фрлање мебел од балкон или директно низ прозорецот, што некогаш и не е баш најпаметната идеја, а во највеселата ноќ може да биде и опасна.

Празни куфери во Колумбија
Ако вашето патување ве однесе во Колумбија во ова време, голема е веројатноста дека ќе видите луѓе како се шетаат со празни куфери. Според колумбиската традиција, носењето празен куфер за Нова година носи среќа и отвора многу можности за патување во новата година.

Запалени фигури во Еквадор
Во Еквадор се палат ликовите на познатите личности на новогодишната ноќ. Обично релевантна фигура, како што е политичар, ја претставува годината на крајот, а согорувањето на фигурата претставува чистење од сите лоши работи и подготовка за доброто.

Грозје во Шпанија
Кога часовникот отчукува полноќ, Шпанците јадат 12 зелени зрна од грозје кои би требало да им носат среќа за секој месец од годината.

Само розово во Аргентина
Додека многу земји имаат традиција да носат црвена долна облека за среќа, Аргентинците на новогодишната ноќ носат розова долна облека, верувајќи дека тоа ќе привлече нова љубов.