ТЕМПЕРАТУРИТЕ ЌЕ ОПАДНАТ ЗА ДЕСЕТ СТЕПЕНИ? Нè очекуваат облаци, денеска со повремен дожд

Денешниот ден ќе биде облачен со локални врнежи од дожд. Дневната температура се очекува да опадне за повеќе од десет степени, а ќе дува умерен до засилен ветер од северен правец, најмногу покрај Повардарието, прогнозира УХМР. Максималните температури ќе се движат од 11 до 22 степени. Во Скопје ќе биде облачно и ветровито.

Облачното и свежо време ќе продолжи и во наредните денови.