ПОБЕДА ЗА ПЛАСМАН НА ЕВРОПСКО Македонските ракометарки триумфираа против Литванките со 31-28
Со овие два бода, Македонија има четири, колку и Шпанија, која вчера го декласира Азербејџан со 38-18. Литванија и Азербејџан имаат по нула, така што само во теорија е возможно да ја стигнат нашата репрезентација, особено што возвратниот меч со Литванките го играме на домашен терен, во април, во последното коло. На ЕП се пласираат првите две од групата, а шанса има и за четири од третопласираните во осумте групи.
Македонските ракометарки ја победија Литванија на гости со 31-28 и го обезбедија својот пласман на Европското првенство во 2024 година. Победата не дојде лесно, но беше убедлива. Сара Ристовска беше прогласена за најкорисен играч на натпреварот со девет гола од 12 обиди, иако Андреа Седлоска беше одлична со осум од осум. Осум интервенции забележа Мицевска, со две ѝ помогна Драгана Петковска.
И Литванките покажаа борбеност. Македонија успеа да направи исчекор дури кон крајот на полуввремето, додека второто полувреме тргна со изедначен резултат. Во 57. минута поведовме, а да немавме два утнати пенала, веројатно предноста ќе беше уште победлива.
Со овие два бода, Македонија има четири, колку и Шпанија, која вчера го декласира Азербејџан со 38-18. Литванија и Азербејџан имаат по нула, така што само во теорија е возможно да ја стигнат нашата репрезентација, особено што возвратниот меч со Литванките го играме на домашен терен, во април, во последното коло. На ЕП се пласираат првите две од групата, а шанса има и за четири од третопласираните во осумте групи.