НЕСРЕЌА НА ПРВИОТ ДЕН ОД ОКТОБЕРФЕСТ ВО МИНХЕН Се судрија две композиции на тобоган, осум лица се повредени
Во секој од возовите имало по 30 луѓе, но, за среќа, нема потешко повредени во инцидентот.
Осум лица се полесно повредени при судир на затворен тобоган на Октоберфест во Минхен, на првиот ден од 18-дневниот традиционален фестивал на пивото. Возењето, наречено Höllenblitz или Пеколна молња, останува затворено во очекување на истрага, соопшти полицијата.
-Лекарите рекоа дека повеќето од повредите се модринки, а три лица се пренесени во болница за да им бидат извршени дополнителни прегледи. Еден од возовите бил во мирување кога возот што се приближувал полека тргнал наназад од непознати причини – изјави директорот на атракцијата, Вили Отенс, за ДПА.
Во секој од возовите имало по 30 луѓе, но, за среќа, нема потешко повредени во инцидентот.
Познатиот фестивал на пивото Октоберфест се одржува секоја година во Минхен, привлекувајќи милиони посетители од целиот свет.