„ГО ПОСТАВИЈА ЗА ДА ГО ПРИКРИЈАТ НАЦИЗМОТ ВО УКРАИНА“ Путин шокираше со својот коментар за еврејското потекло на Зеленски
Веста ја пренесе и рускиот опозициски портал Медуза. Обратно на повеќето руски медиуми, порталот ја оцени изјавата на Путин и „фиксацијата со потеклото на украинскиот претседател“ на друг начин - како показател дека токму во руската власт постои антисемитизам и повика таа да биде осудена. Некои од западните медиуми не ја пренесоа контроверзната изјава.
Користењето на еврејското потекло на Владимир Зеленски за покривање на вината на украинските националисти за Холокаустот за време на Втората светска војна е одвратно, рече рускиот претседател Владимир Путин во вторникот во изјава полна со контроверзија. Тој додаде дека следбениците на украинскиот борец Стјепан Бандера се одговорни за убиството на 1,5 милиони Евреи, пренесува Тасс.
– Мислам дека е важно да се повтори дека западните раководители поставија на чело на модерна Украина етнички Евреин, човек со еврејско потекло, со еврејски корени – на овој начин, според мое мислење, прикривајќи ја античовечката основа на сегашната украинска држава – му рече Путин на новинарот Павел Зарубин во интервју за телевизијата „Россија“.
Putin today: “The Western masters placed an ethnic Jew, a person with Jewish roots, at the head of Ukraine and this is how, in my opinion, they cover up the anti-human essence that is the foundation of the modern Ukrainian state.” Putin forced me out of my country and put me on… pic.twitter.com/cx6dhkXSWZ
— Konstantin Sonin (@k_sonin) September 5, 2023
– Тоа ја прави целата ситуација толку одвратна, да се има етнички Евреин да ја маскира глорификацијата на нацизмот и оние кои го извршија Холокаустот во Украина во тоа време, истребувајќи 1,5 милиони луѓе – додаде рускиот претседател.
– Обичните израелски граѓани го сфатија ова најдобро. Само погледнете што велат тие на интернет – потцртува Путин.
Веста ја пренесе и рускиот опозициски портал Медуза. Обратно на повеќето руски медиуми, порталот ја оцени изјавата на Путин и „фиксацијата со потеклото на украинскиот претседател“ на друг начин – како показател дека токму во руската власт постои антисемитизам и повика таа да биде осудена. Некои од западните медиуми не ја пренесоа контроверзната изјава.
Украина веднаш ја осуди изјавата на Путин како антисемитска. Портпаролот на украинското Министерството за надворешни работи Олех Николенко рече дека Украина го повикува светот остро да ги осуди антисемитските изјави на Путин.
„Не треба да има место за етничка омраза во денешниот свет“, напиша Николенко на Фејсбук.
Познато е дека дедото на Зеленски, Семјон, се борел во Втората светска војна, добивајќи два медали на Црвена звезда за храброст и херојство.
Зеленски за Си-Ен-Ен лани откри дека неговите прабаба и дедо биле убиени од нацистите во пожар што го проголта целото нивно село. Меѓутоа, неговата баба избегала од Хитлер при евакуација на Евреите во Казахстан.
– Мојата баба живееше во Криви Рих, во дел од јужна Украина, кој беше окупиран од фашистите. Тие ги убија сите Евреи што останаа. Таа замина со евакуација на Евреите во Алмати, Казахстан. Многу луѓе побегнаа таму. Таму студирала. Таа е учителка. По Втората светска војна се вратила. Таму сум роден – рече тогаш Зеленски.
Уште во 2020 година, за време на комеморацијата во Израел на 75-годишнината од ослободувањето на Аушвиц, Зеленски му кажа на израелскиот премиер Бенјамин Нетанјаху приказна за семејство од четири браќа од кои четвртиот го преживеал Холокаусот, а дека неговиот внук станал претседател, „а денес стои пред вас“.
Но, додека рускиот претседател Владимир Путин повлече контроверзија со својата изјава за Зеленски, оценките за наводен „нацизам“ во денешна Украина и претходно биле дел од речникот на рускиот претседател.
На пример, тој на средба со ветераните во комитетот „Победа“ посочи дека Москва можеби не направила доволно за да ги претстави фактите за злосторствата на нацистичките соработници во Украина и во балтичките земји.
– Кога ги гледате вистинските архивски документи, крвта во вените едноставно ви замрзнува, невозможно е да се погледне без солзи, а тоа треба да се извади и покаже. Кого величаат актуелните власти? Овие антилуѓе поставуваат крвави убијци на пиедестал и носат транспаренти со нивните портрети додека маршираат по главните улици на нивните градови – рече Путин пред комитетот.
– Германската војска и СС ги „делегираа“ масакрите на Евреите на локалните националисти и антисемитисти, како ОУН и УПА на Стјепан Бандера. Не сум сигурен дека сите луѓе во Украина знаат за ова. Па, ајде да направиме што можеме овде за да им покажеме, во ред? – изјави Путин пред комитетот.
Кој бил Стјепан Бандера за кого зборува Путин? Додека СССР и Полска го прогласија за злосторник и виновен за убиство на Појлаците во денешна Западна Украина и за злосторства во Холокаустот, украинската влада во 2010 година го прогласи за национален херој.
Оттогаш секој 1 јануари во Украина со факели се слави неговиот роденден.