ВО САД И ВО ОБЕДИНЕТОТО КРАЛСТВО „Брако“ испорача 17 возила

Во текот на април „Брако“ испорача 17 возила за одржување хигиена во урбани средини во САД и во  Обединетото Кралство.

Повеќе од половината од нив се електрични возила, додека останатите се возила на класичен погон.

„Овојпат клиентите имаа најголем интерес за моделите со рачно управување, во кои е вграден најсовремен систем за рециркулација на воздухот со што е зголемен капацитетот за филтрирање на прав и за три пати е зголемена ефикасноста за собирање на штетни честички. 

Интерес има и за класичните ,,636“ машини, од серијата која е надградена по највисоки европски и светски стандарди и за која неодамна е добиен ТУВ сертификат од Германија како потврда за меѓународен квалитет“, се наведува во соопштението.

Возилата се произведени во погонот на „Грин Машинс“ во фабриката „Брако“ во Велес.