ДЕВЕТТЕ ГРЕШКИ НА ПУТИН Познатиот режисер кој го интервјуираше има интересно мислење за војната

Путин дозволи да биде намамен, падна во стапицата поставена од САД и ја жртвуваше својата војска, зајакнувајќи ги најлошите заклучоци што Западот може да ги донесе за Русија, вели Оливер Стоун, култен американски режисер и оскаровец кој имаше шанса да ги направи легендарните „Интервјуа со Путин“. Истовремено, Стоун е жесток критичар на Белата куќа и не е омилен во САД.

Стоун првично тврдеше дека Америка и нејзините сојузници со години ја провоцираат Русија по прашањето за Украина, па во едно интервју тој одговорно тврдеше дека Русија немала намера да ја нападне Украина. Дури, тој велеше дека американските медиуми не треба да го користат терминот „окупација“ за ситуацијата во Украина.

Неодамна тој пак се јави на Фејсбук, велејќи дека Путин паднал во замката на Вашингтон, но дека тоа не го оправдува она што тој го прави во Украина.

„Иако САД имаат многу агресивни војни на својата совест, тоа не ја оправдува агресијата на г-дин Путин во Украина. Русија згреши што изврши инвазија. Таа направи премногу грешки. Ова се некои од најочигледните грешки на рускиот лидер:

1) го потцени украинскиот отпор,

2) ја прецени способноста на руската армија да ја постигне целта,

3) ја потцени реакцијата на Европа, особено на Германија, која го зголеми нејзината воен придонес во НАТО во последните 20 години, а дури и Швајцарија се приклучи на целта. Русија ќе биде поизолирана од Западот од кога било,

4) Путин го потцени зајакнувањето на моќта на НАТО, што сега ќе изврши поголем притисок врз границите на Русија,

5) Путин, всушност, го турка пристапувањето на Украина во НАТО,

6) Путин ја потцени штетата врз сопствената економија и создавањето на поголем внатрешен отпор во Русија,

7 ) почна забрзано да ја прилагодува својата власт кон богатите олигарси,

8) Путин згреши што воведе касетни и вакуум бомби во играта,

9) Путин ја потцени моќта на социјалните медиуми ширум светот“, напишал Стоун во постот.

Стоун продолжува да бара од политичарите ширум светот да се запрашаат што можел Путин да направи во дадената ситуација.

„Мораме да се запрашаме, како Путин може да ги спаси луѓето што зборуваат руски во Доњецк и Луганск? Несомнено е дека неговата влада би можела подобро да му ги покаже на светот осумгодишното страдање на овие луѓе и бегалци – како и да ја истакне украинската акумулација од 110.000 војници на границата Доњецк-Луганск, што се случи во суштина пред доаѓањето на руските војници. Но, Западот има многу посилни односи со јавноста од Русите. Или можеби Путин требаше да предаде две провинции и да понуди да пресели три милиони луѓе во Русија? Но, сега е предоцна. Путин дозволи да биде намамен, падна во стапицата поставена од САД и ја жртвуваше својата војска, потврдувајќи ги најлошите заклучоци што Западот може да ги донесе за Русија “, смета познатиот режисер.