НАМЕСТО ДА ПИШУВАШ ПИСМА ОРГАНИЗИРАЈ ОТКУП Трипуновски му одговори на Николовски за отвореното писмо

Наместо да пишуваш писма, или да објавуваш што некој друг ти напишал, организирај откуп за зелката, краставицата, доматот и јаболката. Земи обезбеди извоз по високи цени на оризот уште од сега, светска криза е, сите земјоделски држави книжат профити, а тебе како министер произведеното ти скапува на нива. Нели ти е срам?, му одговори на фејсбук Цветан Трипуновски од ВМРО-ДПМНЕ  на отвореното писмо на министерот за земјодлество Љупчо Николовски.

Во постот Трипуновски констатитра дека Николовски откако го искешира Заев со 1,4 милиони евра, седнал да пишува писма колку е загрижен за земјоделците.

„Мизерно и одраз на најголема неспособност е да си министер за земјоделство во ек на најголема светска криза за храна, а храната произведена од твоите земјоделци да скапува по нивите, и да не можеш да организираш пласман. Цените на раноградинарските култури во Европа и Блискиот Исток рушат рекорди, а македонската зелка, краставици и домат скапува на нива или се продава по ниски цени“, пишува Трипуновски.

Тој потсетува дека Николовски пред 5 години пред  изборите вети највисоки откупни црни, а не направил ништо.

„Љупчо Николовски заедно со (Зоран)  Заев неартикулирано викаше по митинзи дека ќе има високи откупни цени и сигурен пласман за земјоделските производи уште пред 5 години. Но и по половина деценија нема ништо од тоа.Од година во година површините на посеви и засадени површини се намалуваат, а земјоделците наместо во Македонија одат да аргатуваат по нивите во странство. Не се проблем никакви закони, туку неспособноста на СДСМ“, пишува тој во пост на Фејсбук.