ПРВО МЕСТО ЗА Е-ПРОДАВНИЦАТА НА „ЗЕГИН“ Онлајн аптеката работи неполна година
Онлајн продавницата на „Зегин“ функционира неполна година, а доказ за успешноста е токму оваа награда која претставува одлична мотивација за уште попосветена работа, поквалитетна понуда, како и позадоволни купувачи во иднина, велат од компанијата.
Компанијата „Зегин“ со својата е-продавница www.zegin.com.mk го освои првото место во категоријата „Најпопуларна е-продавница“ на првиот избор Ecommerce Awards за најдобрите во македонската е-трговија, кој се одржа синоќа во организација на Асоцијацијата за е-трговија на Македонија.
„Зегин“ била номинирана во неколку категории на овој избор, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци за 2021 има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
– Онлајн продавницата на „Зегин“ функционира неполна година, а доказ за успешноста е токму оваа награда која претставува одлична мотивација за уште попосветена работа, поквалитетна понуда, како и позадоволни купувачи во иднина – велат од компанијата.