РАДИЈАТОРИТЕ ДО КРАЈ НА ЗИМАТА ЌЕ БИДАТ ТОПЛИ Владата ќе прогласи кризна состојба и ќе ги субвенционира сметките за парно
Домаќинствата ќе имаат непрекината испорака на парно греење, а Владата на денешната седница ќедонесе Уредба за критериумите и условите за прогласување на кризна состојба на пазарот на топлинска енергија. Државата преку ЕСМ ќе го преземе управувањето со БЕГ, истакна министерот за економија, Крешник Бектеши на вечерашната конференција за печат.
Согласно оваа Уредба ќе биде донесена Одлука за постоење на кризна состојба во снабдувањето со топлинска енергија за што деталите ќе бидат дополнитечно утврдени.
Министерот Бектеши рече дека со цел на надминување на ова состојба, Владата ќе обезбеди финансиски средства со кои ќе се субвенционира сметките на граѓаните за топлинска енергија на граѓаните.
Мерките кои се составен дел од Уредбата овозможуваат Владата преку ЕСМ да го стабилизира пазарот на топлинска енергија.
АД ЕСМ денеска потпиша Договор за набавка на електрична енергија со ТЕ-ТО до 31.01.2022 година.
За реализација на овој договор ТЕ-ТО ќе произведе дополнителни количини на топлинска енергија покрај електричната со што ќе се овозможи континуирано квалитетно и економски исплатливо снабдувањето во овој период. ТЕ-ТО има сигурен извор на гас и може да работи без пречки, во периодов има активни договори за продажба на електрична енергија и ќе работи дополнително за време на викенд, а произведената електрична енегија ќе ја купува АД ЕСМ. Дополнително ТЕ-ТО наместо до 21 часот, ќе работи до 01.00 после полноќ и со оваа ќе се произведе потребната топлинска енергија, изјавил минстерот Крешник Бектеши.
До крај на грејната сезона се планира целокупната произведена електрична енергија од ТЕ-ТО да ја превземе АД ЕСМ со што ке има доволно топлинска енергија за БЕГ.
Со оглед на тоа што Во моментов, како што информираа од БЕГ дека не се во можност да работи самостојна и компанијата побара од Владата принудна управа, донесена е одлука за склучување на договор за деловно техничка соработка помеѓу БЕГ и ЕСМ по задолжение од Влада.
Согласо ова задолжение Владата во најкус рок ќе донесе одлука и ќе го задолжи ЕСМ да склучи договор за деловно техничка соработка со БЕГ.
Исто така за работењето на АД Скопје Север ќе се склучи договор за деловно техничка соработка по истиот принцип.
Со договорите за деловно техничка соработка сите права и обврски кои ги имале субјектите ке мируваат, а правата и обврските кои ке настанат во периодот на важење на договорот ке бидат на ЕСМ.
АД ЕСМ ќе го менаџира целокупното финансиско работење преку посебна сметка и за истото ке доставува извештаи до Владата.
АД ЕСМ веќе поседува лиценци за топлинска енергија и истите ке биде проширени
„Во изминатите неколку дена имавме исцрпни преговори и разговори со сите надлежни институции и успеавме да најдеме решение кое што согласно сите законски можности ја исполнува главната цел, а тоа квалитетна услуга за домаќинствата.
Ова решение кое што го постигнавме денеска обезбедува непрекината испорака на топлинска енергија за сите домаќинства во Градот Скопје и општините“, истакнаа вицепремиерот задолжен за економски прашања, Фатмир Битиќи и министерот за економија, Крешник Бектеши.