ТОП 10 ЛИСТА НАЈДОБРИ ФИЛМОВИ И СЕРИИ „Дина“ е најдобриот филм за 2021 година

Oнлајн базата на податоци за информации поврзани со филмови, ИМДБ објави листа на десет најдобри филмови и серии во 2021 година. Резултатите се засноваат на реалните месечни прегледи на нивната страница.

На листата на најпопуларни филмови оваа година преовладуваат научнофантастични и приказни за суперхерои.

Првна листата најпопуларни филмови е „Dune“, нова адаптација на научнофантастичниот роман на Френк Херберт. По него, следува филмот „Suicide Squad“ („Одред самоубијци“), во кој најозлогласените негативци се приклучуваат на тајната мисија да помогнат да се запрат уште поголемите негативци. Годинава излезе второто продолжение, а во првото продолжение од 2016 година во составот беше најголемиот противник на Бетмен – Џокер.

Покрај овие два, на листата на најпопуларни се: „Eternals“, „Mortal Kombat“, „Justice League“ („Лига на правдата“ на Зак Снајдер), „Godzilla vs. Kong“ („Годзила против Конг“), „Black Widow“ („Црна вдовица“), „Army of Dead“ („Армија на мртвите“), „Круела“ и „Шанг-Чи и легендата за десетте прстени“.

На листата на најпопуларни серии се суперхероите на „Марвел“, како и серии од жанровите научна фантстика и фантазија, како и многу популарна серија базирана на познати љубовни романи.

Оваа година најпопуларна е Марвеловата мини серија „Вандавизија“(„WandaVision“). На второ место е „Локи“, уште една серија на „Марвел“.

Покрај овие серии се наоѓаат и корејската серија „Игра со лигни“(„ Squid Game“), „Фалкон и Зимскиот војник“(„The Falcon and the Winter Soldier“),  „Бриџертон“ („Bridgerton“), „Живи мртовци“(„The Walking Dead“), „Мер од Ист таун“ („Mare of Easttown“), „Сенка и коска“ („Shadow and Bone“) , „Кобра Каи“(„Cobra Kai“)  и „Луцифер“(„Lucifer“).