КИНА И РУСИЈА ЌЕ ЛЕТААТ БЛИЗУ АМЕРИКАНСКАТА ГРАНИЦА Хаваите се одлично место за воена провокација?

Лет на 20 километри од Хаваите, практично на американската граница, планираат Русија и Кина, како одговор на американските надлетувања и провокации во Украина и во Тајван, открива пензионираниот рускиот полковник Евгениј Бужински, кој учествуваше во преговорите за разоружување, пишува Новости. Двете земји потпишаа договор за заедничко маневрирање во следните пет години, а заедно крстарат по Пацификот и во Азија.

Американците само минатиов месец 30 пати летале близу руските граници, а ги спремаат своите ловци и дури 480 нови атомски бомби, кои, според аналитичарите, служат само за заплашување.

– Ова не се рутински маневри и не се сеќавам кога нешто слично се случило на границите на Русија – вели генералот Евгениј Бужински за американските провокации минатата година.

Десет американски бомбардери неодамна го вежбаа маневрот „Global Thunder Strike 22“, што претставува симултан напад врз Русија од запад кон исток, потврди рускиот министер за одбрана Сергеј Шојгу.

Американците користат Ф-35А за фрлање атомски бомби

Магазинот „Популарна Механика“ на почетокот на ноември напиша дека нивните ловци од петтата генерација Ф-35А ќе добијат атомски бомби Б61-12 со кои ќе можат да пукаат на руска територија. Во случај на војна, таа бомба би се користела за високопрецизно таргетирање на заштитените важни објекти. Аналитичарите велат дека една од целите може да биде командното место на ракетните единици, потоа магацините за оружје, како и местата на концентрација на голем број војници и опрема.

На почетокот на октомври американските авиони Ф-35А фрлија модел на атомска бомба Б61-12 на полигонот Тонопа за време на вежбите во Невада. Овој тип на атомска бомба сè уште е во фаза на тестирање, иако беше планирано да биде готова до 2022 година.

Америка ќе произведе уште 480 атомски бомби

Американците планираат да произведат 480 нови атомски бомби „Б61-12“ за нивните стратешки стелт бомбардери „Б-2 Спирит“ и „Б-21 Рајдер“, како и за американските и другите ловци на НАТО. Повеќето од овие нови атомски бомби ќе бидат во САД, а во Европа би биле донесени во магацините во 2023 и 2024 година.

 

TEST PREP — Ron Maes, at right, and Jeff Meador (both 2155) prepare a B61-12 test assembly that will used to study and understand the behavior and performance of weapon components and systems under a variety of conditions. The work is part of Sandia’s B61 Life Extension Program pic.twitter.com/cdLeMNu5Jp

— Casillic (@Casillic) November 29, 2021

Бомбите постојат за да не бидат фрлени?

Во сегашната навистина тензична и комплицирана ситуација, зрак оптимизам се појави во изданието на весникот „Политико“. Повикувајќи се на извори во Белата куќа, „Политико“ пишува дека тимот на претседателот Бајден разговара за можноста Вашингтон да се откаже од првиот што ќе употреби атомско оружје.

Соработниците на Бајден ја проучуваат можноста да објават дека единствената цел на постоењето на американските нуклеарни арсенали е всушност да се воздржат од нуклеарни конфликти, а не да се користат во обични војни.

Русија мирно спие со С-500 и С-550

Руските државни и воени лидери веруваат дека можат да обезбедат мирен сон на своите граѓани само доколку имаат безбедна противракетна и противвоздушна одбрана. Затоа постојано се работи на нови системи кои можат да го покријат небото на Русија и нејзините најблиски сојузници. Пред сè, станува збор за системите С-500 и С-550, кои ќе можат да пресретнуваат непријателски ракети на различни височини.

Американците не сакаат војна, туку да покажат колку се силни

Генералот не ја исклучува можноста Украинците да предизвикаат нов вооружен конфликт во Донбас или на Црното Море. Од друга страна, Американците можат да предизвикаат конфликт околу Тајван.

– Не мислам дека сегашното американско раководство сака нова светска војна, без разлика што во Конгресот има многу лудаци. Тие нема да се борат против Русија, но сепак ќе се обидат да покажат колку се тие најсилни, најбогати и најмоќни – објаснува Бужински.