РАЗРЕШЕНА ДИРЕKТОРКАТА НА „ТЕАТАР КОМЕДИЈА“ Шаќири Марковиќ водела дисциплинска постапка против вработен за време на избори

Нора Шаќири Марковиќ е разрешена од функција в.д. директорка на „Театар комедија“. Одлуката за нејзино разрешување ја донесла министерката за култура Ирена Стефкоска по добиениот извештај од Државниот инспекторат за труд , објави порталот МКД.

Шаќири Марковиќ беше обвинета дека вршела мобинг над вработените и психички ги вознемирувала.

Минатата недела во театарот  имаше и вонредна инспекциска контрола за да утврди дали се точни обвинувањата.

Според одговорот даден на порталот од Министерството за култура, разрешената директорка го прекришила Законот за спречување корупција и судир на интереси, Законот за заштита и вознемирување на работно место и Изборниот законик бидејќи водела и завршила дисциплинската постапка врз вработени во време на изборен процес.