Уште колку долго скопјани ќе го чекаат новиот Забавен парк?

Панорамско тркало, ролеркостер, тајфун, пиратски брод, рингишпил и уште 20 нови реквизити ќе бидат дел од новиот Луна парк. Во истиот ќе бидат вклучени и седумте реквизити купени од ексградоначалникот Коце Трајановски.

399

Повеќе од пет години скопјани немаат Забавен парк, а за добивање на истиот ќе почекаат барем уште две години, затоа што Градот распиша тендер за основен проект за изградба, но според проекциите истиот треба да биде готов во 2023 година.

– Град Скопје распиша тендер за изработка на техничка документација односно основен проект за изградба на Забавен парк, позиционирање на реквизити и пропратни содржини, а кој треба да заврши до средината на овој месец. Некаде во август се очекува биде готово проектирањето, по што веднаш ќе биде распишан тендер за изведувач и есенва ќе стартува изградбата. Според проекциите Забавниот парк ќе биде готов во 2023, а ќе чини околу 12 милиони евра – рече градоналникот Шилегов.






Панорамско тркало, ролеркостер, тајфун, пиратски брод, рингишпил и уште 20 нови реквизити ќе бидат дел од новиот Луна парк. Во истиот ќе бидат вклучени и седумте реквизити купени од ексградоначалникот Коце Трајановски.

– Овој забавен парк треба да се димензионира за да опслужува околу 3.000 посетители дневно. Предвидено е поставување на забавни реквизити од кои дел се адреналински, најголемиот број се за деца и ќе има неколку семејни. Во просторот треба да се предвидат и пропратни содржини како фуд корнер, фонтана, билетара, продавница за сувенири, тоалети – стои во тендерската документација објавена на страната на Бирото за јавни набавки.

За потсетување, ексградоначалникот Коце Трајановски во 2017 почна да го гради новиот луна парк на постојната локација и требаше да чини 6,5 милиони денари, но со доаѓањето на градоначалничката функција на Петре Шилегов градежните работи беа стопирани. Тогаш Шилегов кажа дека проектот на неговиот претходник не бил добар и дека во Скопје наместо луна ќе се гради забавен парк, на поголема површина и со многу повеќе реквизити за сите возрасти.

Поврзани содржини