УНЕСКО го стави Охрид на црна листа поради дивоградбите, а Заев се фати за Груевски и Субрата Рој

Треба да си ги тргнеме од главата сите наши замисли за мегаломанството како што постоеше барем до 2017 година во времето на Никола Груевски, кога се повика Субрата Рој со големите мегаломански проекти, па се градеше се и сешто, се навлегуваше внатре во езерото, денеска сето тоа е минато“, додаде Заев.

Од плусинфо Објавено 31/05/2021 22:29:40

Премиерот Зоран Заев вели дека извештајот на УНЕСКО за Охрид треба да ги замисли сите во општеството, а не само владата или локалната власт.

„Свесни сме за жолтиот картон од УНЕСКО. Иако во јули може да има поинаква одлука, ние очекуваме Охрид да остане заштитен под УНЕСКО, но како наследство во опасност. Тоа е аларм за сите, прво за нас институциите, но пред сѐ и за граѓаните“ рече Заев во неговото гостување на телевизијата Клан.

Тој вели дека биле преземни многу чекори откако експертската група на УНЕСКО којашто го подготви извештајот беше во Охрид во јануари 2020 година.

„Она што е значајно што од тогаш наваму секако се прекинати двата регионални патишта заради тоа што не беа предвидени согласно внимателноста и планот со управување со УНЕСКО. Дополнително е стопирана активноста на железничката пруга Кичево – Лин и се прави изместување на таа пруга, надвор од заштитниот коридор на УНЕСКО“, рече премиерот.

Можеби ќе ве интересира

📷ПРЕМИЕРОТ И ПРЕТСЕДАТЕЛКАТА ГО ДОЧЕКАА ВЕЛИГДЕН ВО ОХРИД…

плусинфо 20/04/2025

ОВАА ГОДИНА ИМА 20% ПОВЕЌЕ ПАТНИЦИ НА ОХРИДСКИОТ АЕРОДРОМ…

плусинфо 19/04/2025

Тој додаде дека креирани се и посебни комитети со Албанија за координација и заштита на Охридското Езеро.

„Ние го делиме Охридското Езеро, а со тоа ја делиме одгворноста за неговата заштита. Во такви околности многу е важно граѓаните, стопанството, сите да сфатат, ако изгубиме статус на УНЕСКО ќе изгубиме сѐ што имаме во Охрид на што се гордееме. А тоа е туризмот, потенцијалите, секако развојот, живеачката на граѓаните, не смееме да дозволиме“, изјави Заев.

Тој додаде дека треба да се исфрлат од главите сите замисли за мегаломанство.

„Треба да си ги тргнеме од главата сите наши замисли за мегаломанство како што постоеше барем до 2017 година во времето на Никола Груевски, кога се повика Субрата Рој со големите мегаломански проекти, па се градеше се и сешто, се навлегуваше внатре во езерото, денеска сето тоа е минато“, додаде Заев.

Тој ја поздрави акцијата на отстранување на бесправните градби околу плажите од страна на Охрид, но жали што тоа сѐ уште не може да се направи во Струга и апелира до струшките локални власти да постапат на соодветен начин.